Nghena endzeni

Yana enxaxamelweni wa vumbirhi

Timbhoni Ta Yehovha

Xitsonga

Xana Leswi Ndzi Rhandzaka Vavanuna-kulorhi Swi Vula Leswaku Ndzi Musodoma?

Xana Leswi Ndzi Rhandzaka Vavanuna-kulorhi Swi Vula Leswaku Ndzi Musodoma?

A swi tano!

Ntiyiso wa mhaka: Hakanyingi ku rhandza munhu wa rimbewu leri fanaka ni ra wena i nchumu lowu vaka kona wu tlhela wu hela.

Lisette, la nga ni malembe ya 16, na yena u tshame a rhandza nhwanyana un’wana. U ri: “Eka tidyondzo ta mina ta ntivo-vutomi, ndzi dyondze leswaku emalembeni ya kondlo-a-ndzi-dyi, tihomoni ti cinca-cinca hi ku hatlisa. Ndzi anakanya leswaku loko vantshwa vo tala a va yi tiva kahle mimiri ya vona, a va ta swi twisisa leswaku ku rhandza munhu wa rimbewu leri fanaka ni ra wena i swa xinkarhana naswona a va nga ta tshikileleka va ehleketa leswaku i vasodoma.

Vantshwa hinkwavo va fanele va hlawula ku amukela langutelo leri thyakeke ra misava hi timhaka ta masangu kumbe ku amukela mahanyelo lama tlakukeke lama nga eRitweni ra Xikwembu

Kambe ku vuriwa yini loko rirhandzu leri u nga na rona hi munhu wa rimbewu leri fanaka ni ra wena ri nga heli? Xana Xikwembu xi ta va xi ri ni nsele loko xo byela munhu loyi a rhandzaka munhu un’wana wa rimbewu leri fanaka ni ra yena leswaku a papalata vusodoma?

Loko nhlamulo ya wena ku ri ina, u fanele u swi tiva leswaku vonelo rero ri sekeriwe eka langutelo leri hoxeke ra leswaku vanhu va fanele va endla hi ku ya hi ku navela ka vona ka rimbewu. Kambe Bibele yi xixima vanhu hi ku va khutaza leswaku va nga swi endli leswi ku navela ka vona ka rimbewu ku va kucetelaka ku swi endla.—Vakolosa 3:5.

Leswi Bibele yi swi vulaka swa twisiseka. Yi byela lava rhandzaka vanhu va rimbewu leri fanaka ni ra vona ni lava rhandzaka vanhu va rimbewu leri nga faniki ni ra vona leswaku va ‘balekela vumbhisa.’ (1 Vakorinto 6:18) Ntiyiso wa mhaka hileswaku vanhu va timiliyoni lava rhandzaka vanhu va rimbewu leri fanaka ni ra vona lava lavaka ku hanya hi milawu ya Bibele, va tikarhatela ku tikhoma ku nga khathariseki miringo leyi va nga ha langutanaka na yona. Kutani lava rhandzaka vanhu va rimbewu leri fanaka ni ra vona va nga endla leswi fanaka loko hakunene va lava ku tsakisa Xikwembu.—Deteronoma 30:19.

 

DYONDZA SWO TALA

VANTSHWA

Vantshwa Va Vutisa, Vholumo 2

Mhaka ya xikolo, vuhungasi, tintangha, vatswari, ku kula, ndlela leyi u titwaka ha yona, vafana ni vanhwanyana swi katsiwile.