Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Ndzi Nga Wu Endla Njhani Ntirho-kaya Lowu Hinkwawo?

Ndzi Nga Wu Endla Njhani Ntirho-kaya Lowu Hinkwawo?

Leswi u nga swi endlaka

Kuma ndhawu yo hlayela eka yona. Ndhawu ya kona a yi fanelanga yi va ni swilo leswi nga ku kavanyetaka. Tirhisa tafula loko swi koteka. U nga pfuli thelevhixini.

Nkarhi wu fana ni hanci leyi tsutsumaka swinene—u fanele u dyondza ku wu lawula

Tivekele tipakani. Leswi ntirho wa wena wa xikolo wu nga wa nkoka, endla xiboho xa leswaku u heta ntirho-kaya wa wena ku sungula.

U nga veketeli. Vana ni xiyimiso xo endla ntirho-kaya wa wena naswona u xi namarhela.

Hlela matirhelo ya wena. Rhanga hi ku hlela mintirho leyi u nga ta yi endla hi ku landzelelana ka yona. Yi tsale ephepheni kutani u tlhela u tsala nkarhi lowu u lavaka ku wu heta u ri karhi u endla ntirho ha wun’we. Fungha ntirho wun’wana ni wun’wana loko u heta ku wu endla.

Wisanyana. Loko u kuma leswaku swa ku tikela ku ya emahlweni ni ntirho wa wena, wisanyana. Kambe hatla u vuyela eka ntirho-kaya wa wena loko se u wisile.

Titshembe. Tsundzuka leswaku ku va xichudeni lexinene a swi vuli leswaku u fanele ku va xichudeni xo tlhariha kambe swi lava leswaku u tirha hi ku tiyimisela. (Swivuriso 10:4) U nga swi kota ku pasa tidyondzo ta wena. Loko u tiyimisela u ta pasa.