Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Ndzi Nga Endla Yini Loko Vatswari Va Mina Va Dlaya Vukati?

Ndzi Nga Endla Yini Loko Vatswari Va Mina Va Dlaya Vukati?

Leswi u nga swi endlaka

Vulavula hi swilo leswi ku karhataka. Byela vatswari va wena ndlela leyi u hlunameke kumbe u pfilunganyekeke ha yona. Kumbexana va ta kota ku ku hlamusela leswaku ku endleka yini ivi sweswo swi hunguta ku karhateka ka wena.

Loko vatswari va wena va tsandzeka ku ku chavelela, u nga ha tiphofula eka munghana wa wena la wupfeke.—Swivuriso 17:17.

Ku tlula kwalaho, Tata wa wena wa le tilweni la nga “Mutwi wa xikhongelo a nga ku yingisela. (Pisalema 65:2) Kutani tiphofule eka yena ‘hikuva wa ku khathalela.’—1 Petro 5:7.

Leswi u nga fanelangiki u swi endla

Ku hlakarhela endzhaku ka loko vatswari va wena va dlaye vukati swi fana ni ku hola endzhaku ko tshoveka voko—swa vava kambe eku heteleleni u ta hlakarhela

U nga vi na xikhomela. Daniel loyi vatswari va yena va dlayeke vukati loko a ri ni malembe ya nkombo, u ri: “Vatswari va mina a va ri ni vutianakanyi. A va nga ehleketi hi hina ni hi ndlela leyi xiboho xa vona a xi ta hi khumba ha yona.

I yini leswi a swi ta humelela eka Daniel loko a nga tshiki ku hlundzuka ni ku va ni xikhomela?—Lexi nga ku pfunaka ku kuma nhlamulo: Hlaya Swivuriso 29:22.

Ha yini a swi ta va swinene eka Daniel ku ringeta ku rivalela vatswari va yena hileswi va n’wi twiseke ku vava?—Lexi nga ku pfunaka ku kuma nhlamulo: Hlaya Vaefesa 4:31, 32.

Papalata mahanyelo lama nga ta ku vangela swiphiqo. Denny u ri: “A ndzi nga tsakanga naswona a ndzi tshikilelekile endzhaku ka loko vatswari va mina va dlaye vukati. Ndzi sungule ku va ni swiphiqo exikolweni naswona ndzi feyile lembe rin’we. Endzhaku ka sweswo . . . ndzi sungule ku phungela etlilasini ni ku tshamela ku lwa ni swichudeni-kulorhi.

U anakanya leswaku Denny a a ringeta ku endla yini hi ku phungela etlilasini ni ku tshamela ku lwa ni swichudeni-kulobye?

Nawu lowu nga eka Vagalatiya 6:7 wu nga va pfuna njhani vanhu vo fana na Denny leswaku va papalata mahanyelo lama nga ta va vangela swiphiqo?

Loko munhu a tshoveke mbilu swi teka nkarhi ku va a hlakarhela. Hambiswiritano, loko vutomi bya wena byi ri karhi byi antswa, u ta sungula ku tlhela u titwa hi ndlela leyi tolovelekeke.

 

DYONDZA SWO TALA

Swivutiso Leswi Vantshwa Va Swi Vutisaka, Vholumo 1

Mhaka ya byala ni swidzidziharisi, ku tikhoma lokunene hi tlhelo ra rimbewu ni ku rhandzana, swi katsiwile.