Nghena endzeni

Yana enxaxamelweni wa vumbirhi

Timbhoni Ta Yehovha

Xitsonga

Ndzi Nga Endla Yini Loko Ndzi Tshikileriwa Ku Endla Timhaka Ta Masangu?

Ndzi Nga Endla Yini Loko Ndzi Tshikileriwa Ku Endla Timhaka Ta Masangu?

U nga ha tivutisa u ku, “Xana a swi antswi ndzi namba ndzi endla timhaka ta masangu? Phela vanhu hinkwavo va swi endla sweswo.”

Ehleketisisa hi mhaka leyi!

Ntiyiso wa mhaka: A hi vanhu hinkwavo lava swi endlaka sweswo. I ntiyiso leswaku u nga ha va u hlaye leswaku vantshwa vo tala swinene va endla timhaka ta masangu. Hi xikombiso, nkambisiso wa le United States wu kume leswaku vantshwa vambirhi eka vanharhu va le tikweni rero va sungula ku endla timhaka ta masangu va ha ri esekondari. Kambe sweswo swi vula nileswaku un’we eka vanharhu a nga swi endli sweswo.

Ku vuriwa yini hi lava va swi endlaka? Valavisisi va kume leswaku vantshwa vo tala lava endlaka sweswo va langutana ni xin’wana xa swilo leswi landzelaka kumbe hinkwaswo.

Mbitsi. Vantshwa vo tala lava endleke timhaka ta masangu va nga si nghenela vukati, va vula leswaku va tisola.

Ku endla timhaka ta masangu u nga si nghenela vukati swi fana ni ku teka xifaniso xo saseka kutani u xi tirhisa tanihi mete wa le nyangweni

Ku nga tshembani. Endzhaku ka loko vanhu vambirhi va endle timhaka ta masangu, ha un’we wa vona u sungula ku tivutisa, ‘I mani un’wana loyi a etleleke na yena?’

Ku pfilunganyeka. Vanhwanyana vo tala va tsakela ku rhandzana ni munhu la nga ta va sirhelela, ku nga ri la nga ta va dyelela. Kasi majaha yo tala a ma ha n’wi tsakeli nhwanyana loyi ma tshameke ma etlela na yena.

Mhaka ya nkoka: Miri wa wena i wa nkoka kutani a wu fanelanga u nyikela ha wona hi ndlela yoleyo. Kombisa leswaku u ni xivindzi hi ku yingisa milawu ya Xikwembu emhakeni yo endla timhaka ta masangu u nga si nghenela vukati. Kutani loko siku rin’wana u nghenela vukati, u ta endla timhaka ta masangu. U ta tiphina hi xitalo handle ko vilela, ku tisoli ni ku chava loku vanhu lava endlaka timhaka ta masangu va nga si nghenela vukati va vaka na kona.—Swivuriso 7:22, 23; 1 Vakorinto 7:3.

 

DYONDZA SWO TALA

VANTSHWA

Vantshwa Va Vutisa, Vholumo 2

Mhaka ya xikolo, vuhungasi, tintangha, vatswari, ku kula, ndlela leyi u titwaka ha yona, vafana ni vanhwanyana swi katsiwile.