Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Ndzi Nga Endla Yini Loko Ndzi Ri Ni Xivundza?

Ndzi Nga Endla Yini Loko Ndzi Ri Ni Xivundza?

Leswi u nga swi endlaka

1. Ehleketa hi vuswikoti bya wena. (2 Vakorinto 11:6) Hambileswi swi nga swinene ku tiva ku tsana ka wena, swi tele ni swilo leswinene leswi u kotaka ku swi endla. Ku tiva vuswikoti bya wena swi ta ku nyika xivindzi xo tshika ku tinyadza ni xo hlula xivundza. Kutani tivutise, ‘I yini leswi ndzi kotaka ku swi endla?’ Anakanya hi vuswikoti byo karhi kumbe timfanelo letinene leti u nga na tona.

2. Khathala swinene hi vanhu van’wana. Sungula hi ku khathala hi vanhu va nga ri vangani. Muntshwa un’wana la vuriwaka Jorge u ri: “Ku vutisa vanhu leswaku va pfuke njhani kumbe hi ntirho wa vona swa ku pfuna leswaku u va tiva kahle.

U nga swi kota ku pfala vangwa leri ku avanisaka ni tintangha ta wena

Xitsundzuxo: U nga aki xinghana ni tintangha ta wena ntsena. Vanhu van’wana lava a va ri ni xinghana lexikulu lava ku vulavuriwaka ha vona eBibeleni a va siyana ngopfu hi malembe, vo fana na Rhuti na Nawomi, Davhida na Yonathani, Timotiya na Pawulo. (Rhuti 1:16, 17; 1 Samuwele 18:1; 1 Vakorinto 4:17) Nakambe tsundzuka leswaku loko ku buriwa, vanhu hinkwavo va hlanganyela ebulwini, a ku vulavuli munhu un’we ntsena. Vanhu va rhandza lava yingiselaka hi vurhon’wana. Kutani loko u ri ni tingana, tsundzuka leswaku a wu nge vulavuli u ri wexe.

3. Hlakulela ntwela vusiwana.(1 Petro 3:8, Bibele-Mahungu Lamanene) Hambiloko u nga pfumelelani ni vonelo ra un’wana, lehisa mbilu u n’wi tshika a vulavula. Dzika eka leswi mi pfumelelanaka ha swona. Loko u vona leswaku u fanele u n’wi byela leswaku a wu pfumelelani na yena, n’wi byele hi moya wo rhula ni hi vutlhari.

Xitsundzuxo: Vulavula ni van’wana hi ndlela leyi u nga tsakelaka leswaku va vulavula na wena ha yona. Ku kaneta kumbe ku vungunya swi nga fanelanga, ku rhuketela kumbe ku sola-sola van’wana u tiendla n’wavunene swi ta endla leswaku va ku papalata. Va ta ku rhandza ngopfu loko ‘marito ya wena ma va ni nsovo nkarhi hinkwawo.’—Vakolosa 4:6.

 

DYONDZA SWO TALA

Ndlela Yo Langutana Ni Ku Va Ni Xivundza

Xana u karhatiwa hi xivundza? Tirhisa tluka leri ra xitoloveto ku kuma lexi endlaka u va ni xivundza nileswaku u nga xi hlula njhani.

Munghana Wa Xiviri U Njhani?

Swa olova ku kuma vanghana lava nga riki va ntiyiso kambe xana munghana wa xiviri u nga n’wi kuma njhani?

I Yini Leswi Ndzi Nga Swi Endlaka Leswaku Munhu A Ndzi Tsakela Loko Hi Hlangana Ro Sungula?

Hinkwerhu hi endla leswaku van’wana va hi teka hi ndlela yo karhi. U endla leswaku vanhu van’wana va ku languta njhani loko mi hlangana ro sungula?