Nghena endzeni

Yana enxaxamelweni wa vumbirhi

Timbhoni Ta Yehovha

Xitsonga

VANTSHWA VA VUTISA

Ndzi Nga Swi Hisekela Njhani Ku Endla Vutiolori?

Ndzi Nga Swi Hisekela Njhani Ku Endla Vutiolori?

Bibele yi ri: “Ku letela miri swa pfuna.” (1 Timotiya 4:8) Kambe vantshwa vo tala a va swi rhandzi ku endla vutiolori.

  • “A wu nge kholwi leswaku ku feyile swichudeni swo tarisa ku yini eka dyondzo ya vutiolori loko ndza ha ri exikolweni xa sekondari. A yi olova ku fana ni ku dya swakudya!”—Richard, wa malembe ya 21.

  • “Van’wana va ri, ‘Ha yini u fanele u tsutsuma edyambyini leri vavulaka kukondza u dzuka nyuku u tlhela u karhala kasi u nga tlanga ntlangu wa vhidiyo lowu nga ku endlaka u tsutsumisa munhu un’wana onge hiloko ku tsutsuma wena?’”—Ruth, wa malembe ya 22.

Loko u titwa hi ndlela leyi fanaka, anakanya hi vuyelo byinharhu lebyi u nga byi kumaka hi ku endla vutiolori nkarhi ni nkarhi.

Vuyelo byo sungula. Vutiolori byi endla leswaku miri wa wena wu kota ku lwisana ni mavabyi. Rachel wa malembe ya 19 u ri: “Minkarhi hinkwayo Tatana a a tshamela ku vula a ku, ‘Loko u tsandzeka ku endla vutiolori u ta vabya naswona ku vabya swi ta ku dyela nkarhi lowu a wu ta wu tirhisela swin’wana.’

Vuyelo bya vumbirhi. Vutiolori byi endla leswaku byongo byi humesa tikhemikhali leti ku endlaka u va la rhuleke. Emily wa malembe ya 16 u ri: “Ku tsutsuma swi ndzi endla ndzi nga karhateki loko ndzi ri ni swilo swo tala emiehleketweni. Ndzi titwa ndzi phyuphyile emirini naswona sweswo swi susa ku karhateka hinkwako embilwini ya mina.

Vuyelo bya vunharhu. Vutiolori byi nga ku tisela ntsako lowukulu. Ruth wa malembe ya 22 u ri: “Ndzi rhandza vutiolori lebyi endliwaka ehandle byo fana ni ku famba mpfhuka wo leha enhoveni, ku hlambela, ku rheta eayisini ni ku khandziya xikanyakanya.

Leswi Nga Ku Pfunaka: Tivekele timinete ta kwalomu ka 20 kanharhu hi vhiki leswaku u endla ntirho lowu u wu tsakelaka lowu lavaka matimba.

Tsundzuka leswi: Hambileswi xitekela xi hoxaka xandla na xona, hakanyingi xiyimo xa miri wa wena xi titshege hi ndlela leyi u hlawulaka ku hanya ha yona. Loko u lava ku endla vutiolori, xiboho i xa wena naswona u nga endla hilaha u nga kotaka hakona.

 

DYONDZA SWO TALA

XALAMUKA!

Magoza Yo Va Ni Rihanyo Lerinene—Hlakahla Miri Wa Wena

Vutiolori byi pfuna vanhu hinkwavo naswona a swi lavi leswaku u ya endhawini leyi byi endleriwaka eka yona leswaku u byi endla.