Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

VANTSHWA VA VUTISA

Ndzi Nga Yi Amukela Njhani Milawu Ya Vatswari Va Mina?

Ndzi Nga Yi Amukela Njhani Milawu Ya Vatswari Va Mina?

Swi nga endleka leswaku u tiva tintangha ta wena leti vuyaka ekaya nivusiku, ti ambalaka hi ndlela leyi ti rhandzaka ha yona naswona ti yaka ni vanghana va tona kun’wana ni kun’wana laha ti lavaka kona. Kumbexana vatswari va tona va tshama va khomekile lerova a va swi xiyi leswi ti swi endlaka.

Hambiswiritano, Bibele yi vula leswaku siku rin’wana ti ta khomisa vatswari va tona tingana. (Swivuriso 29:15) Xin’wana lexi endlaka leswaku vanhu va nga vi na rirhandzu namuntlha hileswaku vanhu vo tala va kurisiwe emindyangwini leyi vana a va tiendlela ku rhandza.—2 Timotiya 3:1-5.

Ematshan’weni yo navela ku fana ni vantshwa lava tiendlelaka ku rhandza, ringeta ku twisisa leswaku milawu leyi vatswari va wena va ku vekelaka yona yi kombisa leswaku va ku rhandza. Leswi va ku vekelaka milawu leyi faneleke yi ku kongomisa, va tekelela Yehovha Xikwembu, la byeleke vanhu va yena a ku:

“Ndzi ta endla leswaku u va ni ku twisisa naswona ndzi ku letela hi ndlela leyi u faneleke u famba ha yona. Ndzi ta ku tsundzuxa ndzi veke tihlo ra mina ri ri ehenhla ka wena.”—Pisalema 32:8.