Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Ndzi Nga Endla Yini Loko Ndzi Nga Va Kumi Vanhu Lava Ndzi Nga Akaka Xinghana Na Vona?

Ndzi Nga Endla Yini Loko Ndzi Nga Va Kumi Vanhu Lava Ndzi Nga Akaka Xinghana Na Vona?

Leswi u nga swi endlaka

Xo sungula, kumisisa leswaku i vanhu va njhani lava swi ku tikelaka ku aka xinghana na vona.

Malembe:

Swa ndzi tikela ku aka xinghana ni . . .

  • tintangha ta mina

  • vantshwa lavakulu eka mina

  • vanhu lavakulu

Vuswikoti:

Swa ndzi tikela ku aka xinghana ni vanhu . . .

  • lava rhandzaka mintlango

  • lava nga ni nyiko yo karhi

  • lava tlhariheke

Vumunhu:

Swa ndzi tikela ku aka xinghana ni vanhu . . .

  • lava titshembaka

  • lava dumeke

  • lava tshamaka hi ntlawa

Xa vumbirhi, hlawula marito lama hlamuselaka ndlela leyi u titwaka ha yona loko u ri ni vanhu lava u va hlawuleke laha henhla.

  • Ndzi endla onge ndzi rhandza swilo leswi va swi rhandzaka kumbe ndzi ni vuswikoti lebyi va nga na byona.

  • A ndzi swi tekeli enhlokweni swilo leswi va swi rhandzaka naswona ndzi bula hi leswi tsakisaka mina.

  • Ndza miyela ivi ndzi tshama ndzi rindzele nkarhi wo hambana na vona.

Xa vunharhu, teka goza. U nga languteli leswaku minkarhi hinkwayo vanhu va tikarhatela ku aka xinghana na wena; minkarhi yin’wana u fanele u teka goza ro ya eka vona. (Vafilipiya 2:4) U nga swi endlisa ku yini sweswo?

Aka xinghana ni lava nga riki tintangha ta wena. Anakanya hi mhaka leyi: Ha yini u aka xinghana ni tintangha ta wena ntsena ivi u karhateka hileswi u nga kumiki vanghana? Leswi swi nga fana niloko u sika hi ndlala exihlaleni lexi nga kwandzasi kambe ku ri ni tinhlampfi to tala elwandle leri ku rhendzeleke.

Manana u ndzi khutaze leswaku ndzi ringeta ku vulavula ni vanhu lavakulu. U vule leswaku swi ta ndzi hlamarisa ku xiya swilo swo hlaya leswi vumunhu bya mina ni bya vona byi yelanaka ha swona. A a tiyisile hakunene, sweswi ndzi ni vanghana vo tala!”—Helena, la nga ni malembe ya 20.

Hlakulela vuswikoti byo vulavurisana. Lexi nga ku pfunaka i (1) ku rhiya ndleve, (2) ku vutisa swivutiso ni (3) ku kombisa nkhathalelo wa xiviri.—Yakobo 1:19.

Ndzi ringeta ku rhiya ndleve ematshan’weni yo vulavula. Loko ndzi vulavula ndzi papalata ku vulavula hi mina kumbe ku vulavula ku biha hi vanhu van’wana.”—Serena la nga ni malembe ya 18.

Loko munhu a lava ku vulavula hi nchumu lowu ndzi nga wu tolovelangiki, ndzi n’wi kombela leswaku a wu hlamusela hi vuenti, leswi nga ta endla leswaku a vulavula na mina hilaha ku engetelekeke.”—Jared la nga ni malembe ya 21.

Ndzi ni tingana, hikwalaho ndzi boheka ku tisindzisa ku sungula bulo. Kambe leswaku u va ni vanghana, u fanele u va ni xinghana. Xisweswo, ndzi sungule ku bula ni van’wana.”—Leah la nga ni malembe ya 16.

 

DYONDZA SWO TALA

Xana Swi Hoxile Ku Va Ni Ndhuma?

Vantshwa vo tala va lava ku va ni ndhuma hi tindlela to tala. Xana ku lava ku tsakeriwa hi vanhu van’wana swi hoxile?

I Vamani Vanghana Va Mina Va Xiviri?

Dyondza ndlela leyi u nga akaka xinghana lexi tiyeke ha yona.