Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

VANTSHWA VA VUTISA

Xana Ndzi Nga Aka Muti Ni Munhu Loyi?

Xana Ndzi Nga Aka Muti Ni Munhu Loyi?

Xana u n’wi kumile munhu loyi u nga akaka muti na yena? Loko swi ri tano, u nga swi vonisa ku yini loko mi ta hanyisana kahle ni munhu yoloye?

I swa nkoka ku rhanga hi ku langutisa timfanelo letinene. Eka swilo hinkwaswo, nhwanyana wo xonga swi nga endleka a nga tshembekanga kumbe mufana la rhandzekaka ngopfu swi nga endleka mahanyelo ya yena ma nga basanga. Entiyisweni na wena u lava munhu la ku fanelaka—loyi a pfumelelanaka kahle ni vumunhu bya wena ni tipakani ta wena.—Genesa 2:18; Matewu 19:4-6.

Kuwa Ro Tshwuka Ri Ni Xivungu Endzeni

N’wi langutise kahle loyi u lavaka ku tekana na yena. Kambe u fanele u xiya! Swi nga endleka u languta ntsena leswi u lavaka ku swi vona. Hikwalaho u nga hatliseli. Ringeta ku twisisa leswi munghana wa wena a nga xiswona.

Vantshwa vo tala vo tsakisiwa ntsena hi loko va rhandzana. Va ta ku byela hi swilo leswi havumbirhi bya vona va swi rhandzaka, u ta twa va ku: “Hi rhandza vuyimbeleri lebyi fanaka.” “Hi tsakela mintirho leyi fanaka.” “Ha pfumelelana eka xin’wana ni xin’wana!” Hambiswiritano, u fanele u languta timfanelo leti nga ta nkoka. U fanele u vona “munhu la nge xihundleni wa mbilu.” (1 Petro 3:4; Vaefesa 3:16) Ematshan’weni yo dzikisa mianakanyo ya wena emhakeni ya leswaku ma pfumelelana swinene eka swilo swo tala, swi nga ku pfuna ku tiva leswaku mi ta endla yini loko mi nga pfumelelani eka mhaka yo karhi.

Hi xikombiso, tinhla leti landzelaka:

  • Xana munhu yoloye u endla yini loko mi nga voni swilo hi ndlela leyi fanaka—u sindzisa leswaku swilo swi endliwa hi ndlela ya yena, kumbexana a va ni “swifafa” kumbe a tirhisa “mavulavulelo ya nhlamba”? (Vagalatiya 5:19, 20; Vakolosa 3:8) Kumbe wa anakanyela—a kondletela ku rhula hi ku pfumelelana na wena ntsena loko ku nga tluriwi nawu wo karhi?Yakobo 3:17.

  • Xana munhu yoloye u sindzisa leswaku ku endliwa leswi yena a swi lavaka, u rhandza ku lawula kumbe u ni mavondzo? Xana u lava ku tiva xin’wana ni xin’wana lexi u xi endlaka? Nicole u ri: “Ndzi twa leswaku vanhu van’wana lava rhandzanaka va tshamela ku lwa hileswi un’wana eka vona a lavaka ku tiva lomu munghana a nga kona. Hi ku ya hi mina va ni xiphiqo.”—1 Vakorinto 13:4.

  • Xana vanhu van’wana va swi teka njhani? Swi ta ku pfuna ku bula ni lava se va nga ni nkarhinyana va hanya na yena, vo kota swirho swa vandlha leswi tshembekaka. Hi ndlela yoleyo u ta tiva loko munhu loyi u rhandzanaka na yena “ku vulavuriwa kahle” ha yena.—Mintirho 16:1, 2.

 

DYONDZA SWO TALA

I Yini Leswi Ndzi Nga Swi Langutelaka eVukatini?—Xiyenge 1

U nga langutela mintlhontlho yihi evukatini naswona u nga vuyeriwa hi yini?

I Yini Leswi Ndzi Nga Swi Langutelaka eVukatini?—Xiyenge 2

Twana ndlela leyi u nga yi lunghekelaka ha yona mintlhontlho ya vukati.