Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Mahanyelo Ni Ntirho Wa Hina Wo Chumayela–Xiyimiso Xa Minhlangano  |  October 2017

 MAHANYELO YA VAKRESTE

Hanyela Ku Dzunisa Yehovha!

Hanyela Ku Dzunisa Yehovha!

Vutomi i nyiko ya risima swinene. Ndlela leyi hi hanyaka ha yona siku ni siku yi kombisa ndlela leyi hi byi tekaka ha yona. Tanihi Timbhoni ta Yehovha hi tikarhatela ku tirhisa vuswikoti bya hina leswaku hi dzunisa Yehovha ni ku n’wi vangamisa hi leswi a nga Munyiki wa Vutomi. (Ps 36:9; Nhl 4:11) Hambiswiritano, swiphiqo leswi hi langutanaka na swona siku ni siku emisaveni leyi yo homboloka swi nga ha tsanisa vuxaka bya hina na yena. (Mr 4:18, 19) Un’wana ni un’wana u fanele a ti vutisa leswi: ‘Xana ndzi nyika Yehovha leswi nga swinene? (Hs 14:2) Xana ntirho wa mina wu yi khumba njhani ndlela leyi ndzi tirhelaka Yehovha ha yona? Hi tihi tipakani ta mina to tirhela Yehovha? Xana ndzi nga katseka njhani hi xitalo entirhweni wa nsimu? Loko u fanele u endla ku cinca ko karhi, khongela eka Yehovha leswaku a ku pfuna u endla tano. A swi kanakanisi leswaku ku dzunisa Yehovha siku ni siku swi ta endla leswaku u eneriseka ni ku tlhela u tsaka.—Ps 61:8.

Xana u byi tirhisela mani vuswikoti bya wena?

HLALELANI VHIDIYO LEYI NGE TIRHISA VUSWIKOTI BYA WENA LESWAKU U TIRHELA YEHOVHA KUTANI MI HLAMULA SWIVUTISO LESWI LANDZELAKA:

  • Ha yini ku nga ri vutlhari ku tirhisa vuswikoti bya wena eka misava ya Sathana? (1Yh 2:17)

  • Hi yihi mikateko leyi kumiwaka hi lava nyikaka Yehovha leswi nga swinene?

  • Ndzi nga tirhisa vuswikoti bya mina hi ndlela yihi eka mintirho yo kwetsima ya Yehovha?