Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Mahanyelo Ni Ntirho Wa Hina Wo Chumayela–Xiyimiso Xa Minhlangano  |  October 2016

 MAHANYELO YA VAKRESTE

Ndlela Yo Nyikela Tinhlamulo Letinene

Ndlela Yo Nyikela Tinhlamulo Letinene

Tinhlamulo letinene ti aka vandlha. (Rhm 14:19) Nakambe ti vuyerisa lava tinyikelaka. (Swiv 15:23, 28) Hikwalaho, hi fanele hi ringeta ku nyikela nhlamulo eka minhlangano yin’wana ni yin’wana. I ntiyiso leswaku a hi minkarhi hinkwayo hi nga ta kombiwa leswaku hi hlamula loko hi yimisa mavoko. Hikokwalaho, i swa nkoka leswaku hi lunghiselela tinhlamulo to hlayanyana.

Nhlamulo leyinene . . .

  • ya olova, ya twisiseka naswona yi komile. Minkarhi yo tala yi nga nyikeriwa hi tisekoni ta 30 kumbe ta le hansi ka tona

  • yi kahle loko u hlamula hi marito ya wena

  • a yi lavi leswaku u phindha leswi vuriweke hi un’wana

Loko u kombiwa ro sungula leswaku u hlamula, . . .

  • nyikela nhlamulo yo olova ni leyi hlamulaka xivutiso hi ku kongoma

Loko xivutiso xi hlamuriwile, u nga . . .

  • kombisa ndlela leyi tsalwa leri tshahiweke ri fambisanaka ha yona ni yinhla leyi ku buriwaka ha yona

  • hlamusela ndlela leyi mhaka ya kona yi byi khumbaka ha yona vutomi bya hina

  • hlamusela leswaku rungula ra kona ri nga tirhisiwa njhani

  • boxa ntokoto wo koma lowu kandziyisaka yinhlankulu