Nghena endzeni

Hundzela eka leswi nga endzeni

Timbhoni Ta Yehovha

Hlawula ririmi Xitsonga

 LESWI HI SWI DYONDZAKA EBIBELENI | MATEWU 25

“Tshamani Mi Rindzile”

“Tshamani Mi Rindzile”

25:1-12

Hambileswi Yesu a kongomise xifaniso xakwe xa vanhwana va khume eka valandzeri vakwe lava totiweke, kambe Vakreste hinkwavo va nga vuyeriwa eka xona. (w15 3/15 12-16) “Hikokwalaho, tshamani mi rindzile, hikuva a mi ri tivi siku hambi ku ri nkarhi wa kona.” (Mt 25:13) Xana u nga xi hlamusela xifaniso lexi xa Yesu?

  • Muteki (ndzimana. 1)—Yesu

  • Vanhwana vo tlhariha (ndzimana. 2)—Vakreste lava totiweke lava tiyimiseleke ku hetisisa xiavelo xa vona hi ku tshembeka naswona va voningaka kukota mavoningo ku ya fika emakumu (Flp 2:15)

  • Ku huwelela: “Hi loyi muteki” (ndzimana. 6)—Vumbhoni bya vukona bya Yesu

  • Vanhwana va swiphukuphuku (ndzimana. 8)—Vakreste lava totiweke lava humeke ku ya hlangana ni muteki kambe lava nga tshamangiki va rindzile naswona va nga tshembekangiki

  • Vanhwana vo tlhariha va ala ni mafurha ya vona (ndzimana. 9)—Endzhaku ka ku funghiwa ro hetelela, vatotiwa vo tshembeka a va nge hi swi koti ku pfuna vanhu lava tshikeke ku tshembeka

  • “Muteki a fika” (ndzimana. 10)—Loko nhlomulo lowukulu wu ri ekusuhi ni ku hela Yesu u ta fika leswaku a ta avanyisa

  • Vanhwana vo tlhariha va nghena ni muteki enkhubyeni wa vukati; hiloko nyangwa yi pfariwa (ndzimana. 10)—Yesu u hlengeleta vatotiwa vo tshembeka etilweni kambe vatotiwa lava tshikeke ku tshembeka va lahlekeriwa hi lunghelo ra vona ro ya hanya etilweni