Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

MAHANYELO NI NTIRHO WA HINA WO CHUMAYELA–XIYIMISO XA MINHLANGANO MARCH 2016

 MAHANYELO YA VAKRESTE

Nkutsulo Wu Endle Leswaku Ku Va Ni Ku Pfuxiwa Ka Vafi

Nkutsulo Wu Endle Leswaku Ku Va Ni Ku Pfuxiwa Ka Vafi

Xitsundzuxo xi hi nyika nkarhi lowunene wo anakanyisisa hi mikateko leyi taka leyi hi nga ta yi kuma hikwalaho ka nkutsulo, yo tanihi hi ku pfuxiwa ka vafi. A ku nga ri xikongomelo xa Yehovha leswaku vanhu va fa. Hi yona mhaka leyi hi twaka ku vava swinene loko vanhu lava hi va rhandzaka va fa. (1Ko 15:26) Yesu u twe ku vava swinene loko a vona vadyondzisiwa vakwe va ri ni gome hikwalaho ka rifu ra Lazaro. (Yh 11:33-35) Leswi Yesu a nga xifaniso lexi hetisekeke xa Tata wa yena, hi nga tiyiseka leswaku Yehovha na yena u twa ku vava loko hi feriwa hi vanhu lava hi va rhandzaka. (Yh 14:7) Yehovha u wu rindzele hi mahlongati nkarhi lowu a nga ta pfuxa malandza ya yena, na hina hi fanele hi wu rindzela.—Yb 14:14, 15.

Leswi Yehovha a nga Xikwembu xa ku hleleka, swa twala ku tshemba leswaku ku pfuka ka vafi ku ta va ku hlelekile. (1Ko 14:33, 40) Ematshan’weni ya minkosi hi ta hoyozela lava pfuxiweke. Xana wa anakanyisisa hi ku pfuxiwa ka vafi, ngopfungopfu loko u ri ni gome? (2Ko 4:17, 18) Xana wa n’wi nkhensa Yehovha hi leswi a hi nyikeke nkutsulo ni ku swi paluxa eMatsalweni leswaku vafi va ta tlhela va hanya?—Kl 3:15.

  • I vamani vanghana ni maxaka ya wena lava u swi languteleke hi mahlongati ku tlhela u va vona?

  • I vamani vanhu va le Bibeleni lava u swi tsakelaka ngopfu ku va vona ni ku vulavula na vona?