Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

MAHANYELO NI NTIRHO WA HINA WO CHUMAYELA–XIYIMISO XA MINHLANGANO DECEMBER 2016

 MAHANYELO YA VAKRESTE

Ku Pfuna Vanhu Hi Ku Tirhisa Buku Leyi Nge ‘Tihlayiseni eRirhandzwini Ra Xikwembu 

Ku Pfuna Vanhu Hi Ku Tirhisa Buku Leyi Nge ‘Tihlayiseni eRirhandzwini Ra Xikwembu 

LEXI ENDLAKA SWI VA SWA NKOKA: Vanhu va fanele va dyondza hi milawu ya Yehovha kutani va hanya hi yona leswaku va ta n’wi gandzela hi ndlela leyi a yi amukelaka. (Esa 2:3, 4) Buku leyi nge ‘Rirhandzu Ra Xikwembu’ i buku ya vumbirhi leyi hi yi tirhisaka ku dyondza ni swichudeni swa Bibele leswaku hi swi pfuna ku twisisa ndlela leyi milawu ya Xikwembu yi fambisanaka ha yona ni vutomi bya swona bya siku ni siku. (Hv 5:14) Hi fanele hi ringeta ku swi dyondzisa hi ndlela leyi yi nga ta endla leswaku swi cinca ndlela leyi swi hanyaka ha yona.—Rhm 6:17.

NDLELA LEYI HI NGA SWI ENDLAKA HA YONA:

  • Lunghiselela kahle, u ri karhi u anakanyisisa hi swilaveko swa xichudeni xa wena. Tiendleli swivutiso leswi nga ta ku pfuna leswaku xi twisisa mhaka leyi mi bulaka hi yona.—Swiv 20:5; be 259

  • Tirhisa mabokisi lama nga endzeni ka buku leswaku u pfuna xichudeni xa wena xi vona nkoka wo va xi tirhisa milawu ya Bibele

  • Pfuna xichudeni xa wena leswaku xi twisisa timhaka leti khumbaka ripfalo kambe u nga xi endleli swiboho etimhakeni toleto.—Ga 6:5

  • Hi vutlhari xiyisisa loko ku ri hileswaku ku ni milawu yo karhi ya Bibele leyi xichudeni xa wena xi lavaka mpfuno leswaku xi yi tirhisa. Xi khutaze leswaku xi cinca ndlela leyi xi hanyaka ha yona hikwalaho ka leswi xi rhandzaka Yehovha.—Swiv 27:11; Yh 14:31