Nghena endzeni

Hundzela eka leswi nga endzeni

Timbhoni Ta Yehovha

Hlawula ririmi Xitsonga

 MAHANYELO YA VAKRESTE

Xana Ndzi Nga Byi Teka Rini Vuphayona Bya Nkarhinyana?

Xana Ndzi Nga Byi Teka Rini Vuphayona Bya Nkarhinyana?

Xivono xa Ezekiyele xa tempele xi kombisa leswaku vanhu va Yehovha a va ta nyikela switlhavelo hi ku tirhandzela. Hi nga katseka njhani eku nyikeleni ka switlhavelo leswi yisaka ku dzuneka eka Xikwembu?—Hv 13:15, 16.

Ndlela yin’wana yo endla tano, i ku teka vuphayona bya nkarhinyana. Lembe ra ntirho ra 2018 ri ni tin’hweti leti nga ni Migqivela ya ntlhanu ni Tisonto ta ntlhanu. Leswi swi ta pfuna ni lava tirhaka masiku hinkwawo eka ntirho wa ku tihanyisa naswona va hlanganyelaka hi xitalo eka vutirheli bya nsimu hi mahelovhiki ntsena. Ku engetela kwalaho, vahuweleri va nga hlawula ku tirha tiawara ta 30 kumbe 50 hi March na April ni hi nkarhi lowu mulanguteri wa muganga a nga ta endza ha wona.

Ku vuriwa yini loko swiyimo swa hina swi nga hi pfumeleli ku teka vuphayona bya nkarhinyana? Hi nga tikarhatela ku antswisa ndlela leyi hi chumayelaka ha yona ni nkarhi lowu hi wu hetaka entirhweni wa nsimu. Ku nga khathariseki swiyimo swa hina, onge ndlela leyi hi rhandzaka Yehovha ha yona yi nga hi susumetela ku endla leswi hi nga swi kotaka eka lembe ra ntirho ra 2018!—Hs 14:2.

Ndzi nga ku tekelela njhani ku hiseka ka Sabina Hernández?

HLALELANI VHIDIYO LEYI NGENDZI NGA ENDLA XIN’WANA NI XIN’WANA, HI MPFUNO WA YEHOVHA, KUTANI MI HLAMULA SWIVUTISO LESWI LANDZELAKA:

  • I yini lexi susumeteleke Sabina leswaku a endla leswi engetelekeke entirhweni wa Yehovha?

  • Xikombiso xa Sabina xi ku khutaza njhani?

  • Hi lembe ra ntirho ra 2018, i (ti) n’hweti yihi leyi u tsakelaka ku teka vuphayona bya nkarhinyana?