Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

MAHANYELO NI NTIRHO WA HINA WO CHUMAYELA–XIYIMISO XA MINHLANGANO APRIL 2016

 MAHANYELO YA VAKRESTE

Xihloko Lexintshwa Lexi Endleriweke Ku Hi Pfuna Ku Sungula Bulo

Xihloko Lexintshwa Lexi Endleriweke Ku Hi Pfuna Ku Sungula Bulo

Ku sukela hi January 2016, eka tluka ro hetelela ra Xihondzo xo Rindza xa vanhu hinkwavo ku ni xihloko lexi nge “I Yini Leswi Bibele Yi Swi Vulaka?” Xihloko lexi lexintshwa xi endleriwe ku hi pfuna leswaku hi kota ku sungula bulo hi tinhlokomhaka ta le Bibeleni. Ndlela leyi xi endliweke ha yona yi fana ni swiphephana swa hina. Ku ni xivutiso xo lava ku tiva vonelo ra munhu lexi landzeriwaka hi nhlamulo leyi humaka eMatsalweni, ku katsa ni tinhla leti engetelekeke to burisana ha tona.

Bulo leri tsakisaka leri sekeriweke eka tinhlokomhaka ta le Matsalweni hakanyingi ri endla leswaku ku va ni dyondzo ya Bibele. Tirhisa xihloko lexi ku pfuna vanhu vo tala leswaku va enerisa xilaveko xa vona xa moya.—Mat 5:6.

NDLELA YO TIRHISA XIHLOKO LEXI:

  1. Vutisa vonelo ra n’wini wa muti hi xin’wana xa swivutiso leswi kombisiweke

  2. Yingisa ni ku tlhela u nkhensa nhlamulo yakwe

  3. Hlaya tsalwa leri kombisiweke ehansi ka nhlokomhaka leyi nge “Leswi Bibele Yi Swi Vulaka,” ivi u vutisa ndlela leyi a ri twisisaka ha yona. Loko a ri ni nkarhi yana emahlweni ni bulo, u tirhisa yinhla leyi nga ehansi ka nhlokomhaka leyi nge “Hi Swihi Swin’wana Leswi Hi Nga Swi Dyondzaka eBibeleni?”

  4. Fambisa magazini

  5. Hlela ku tlhela u vuya mi ta bula hi xivutiso xa vumbirhi