Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

MAHANYELO NI NTIRHO WA HINA WO CHUMAYELA–XIYIMISO XA MINHLANGANO APRIL 2016

 NDZETELO WA NTIRHO WO CHUMAYELA

Tsima Ro Fambisa Xirhambo Xa Nhlengeletano

Tsima Ro Fambisa Xirhambo Xa Nhlengeletano

Lembe ni lembe, hi wu langutela hi mahlongati nkhuvo wa moya lowu hi tiphinaka ha wona eka tinhlengeletano ta hina ta xifundzha. Leswaku van’wana va ta nantswa vunene bya Yehovha, hi ta rhamba vanhu vo tala hilaha hi nga kotaka ha kona. (Ps 34:8) Huvo yin’wana ni yin’wana ya vakulu yi ta hlela ndlela leyinene yo fambisela vanhu vo tala swirhambo hilaha swi nga kotekaka hakona.

VUXOKOXOKO LEBYI HI FANELEKE HI BYI TSUNDZUKA

  • Yi ta va rini nhlengeletano ya xifundzha?

  • Tsima ro rhambela vanhu ri ta sungula rini?

  • Nhlangano wa nsimu wu ta khomiwa rini?

  • Hi tihi tipakani leti ndzi lavaka ku ti fikelela hi nkarhi wa tsima?

  • I vamani lava ndzi hleleke ku va rhamba?

I YINI LESWI U NGA TA SWI VULA?

Endzhaku ko xeweta, u nga ha ku:

“Hi endla tsima leri endliwaka emisaveni hinkwayo ro rhambela vanhu eka xiendlakalo xa nkoka swinene. Masiku ya kona, nkarhi ni ndhawu swi tsariwile eka xirhambo lexi. Hi nga tsaka loko wo va kona.”

U NGA KU HLAKULELA NJHANI KU TSAKELA?

Hambileswi hi lavaka ku rhamba vanhu vo tala hilaha hi nga kotaka hakona, hi fanele hi xalamukela ku hlakulela ku tsakela ka vanhu lava hi va kumaka.

Hi mahelovhiki, u nga ha fambisa timagazini ni xirhambo.