Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

‘Yimbelelela Yehovha Hi Ntsako’

 RISIMU 112

Yehovha, Xikwembu Xa Ku Rhula

Select an Audio Recording
Yehovha, Xikwembu Xa Ku Rhula
VONA
Rungula
Xifaniso

(Vafilipiya 4:9)

  1. 1. Yehovh’ u tshembise,

    Ku hi nyika ku rhula.

    Hi he moya hi ta veka

    Mihandzu ya ku rhula.

    Loko hi pfumela,

    Eka N’wana wa wena,

    Hi tshinela eka wena;

    Sweswi hi ni ku rhula.

  2. 2. Rito i rivoni,

    Moya i mutsundzuxi.

    Kunene swa h’kongomisa

    Misaven’ ya munyama.

    Hi pfune hi tshama

    Hi ri vanhu vo rhula,

    Yi ko yi fika misava

    Leyintswa ya ku rhula.

  3. 3. Wa hi hlengeleta

    Etilwen’ Em’saveni,

    Hi ni vun’we, hi twarisa

    Ku tswariwa ka Mfumo.

    Ku fuma ka wona

    Ku ta heta tinyimpi.

    Lavo rhula va ta tsaka

    Va tshama hi masiku.