Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XIHONDZO XO RINDZA (NKANDZIYISO WA VANDLHA) JANUARY 2017

Xana A Wu Swi Tiva?

Xana A Wu Swi Tiva?

Xana vanhu va khale a va wu tshivela njhani ndzilo loko va teke riendzo?

RUNGULA leri nga eka Genesa 22:6 ri vula leswaku, loko Abrahama a lunghiselela ku ya endla gandzelo endhawini ya le kule u “[teke] tihunyi ta gandzelo ro hisiwa a ti rhwexa Isaka n’wana wakwe, yena a tamela ndzilo ni mukwana wo dlaya hi wona, havambirhi va famba swin’we.”

Matsalwa a ma yi boxi ndlela leyi ndzilo a wu tshiveriwa ha yona khale. Kutani xana Abrahama na Isaka va tshivele ndzilo eka nchumu wo karhi kutani va wu rhwala va famba na wona? Muhlamuseri un’wana wa Bibele u vula leswaku a swi nga ta koteka leswaku ndzilo “wu va wa ha pfurha eka mpfhuka wolowo wo leha hi swinene.” Kutani swi nga ha endleka leswaku Abrahama na Isaka va teke hinkwaswo leswi a va ta swi lava leswaku va tshivela ndzilo.

Hambiswiritano, van’wana va vula leswaku khale a swi nga olovi ku tshivela ndzilo. Vanhu a swi va olovela loko va oka ndzilo eka muakelani ku ri ni ku va va tshivela wa vona. Swidyondzi swo tala swi anakanya leswaku xibya xa vumba lexi Abrahama a xi khomile, a xi ri ni makala lama pfurhaka lawa a ma okeke eka ndzilo lowu a wu tshiveriwe ni vusiku bya xa tolo xa kona. (Esa. 30:14) Kutani a a ta tshivela ndzilo hi ku tirhisa makala wolawo ni tihunyi leti omeke loko a lava ku tshivela ndzilo.