Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XIHONDZO XO RINDZA (NKANDZIYISO WA VANDLHA) SEPTEMBER 2016

Vuyeriwa Eka Nkongomiso Wa Yehovha Namuntlha

Vuyeriwa Eka Nkongomiso Wa Yehovha Namuntlha

NDZI ENDLE XIBOHO LEXINENE EPOLAND

“NDZI khuvuriwe ndzi ri ni malembe ya 15 naswona endzhaku ka tin’hweti ta tsevu ndzi ve phayona ra nkarhinyana. Endzhaku ka lembe, ndzi endle xikombelo xo va phayona ra nkarhi hinkwawo. Loko ndzi heta xikolo, ndzi kombele ku ya tirha laha ku nga ni xilaveko lexikulu xa vahuweleri va Mfumo. A ndzi lava ku suka ekaya naswona a ndzi lava ku hambana ni kokwana wa mina wa xisati loyi a ndzi tshama na yena loyi a nga ri Mbhoni ya Yehovha. A ndzi hlundzukile loko mulanguteri wa muganga a ndzi byele leswaku ndzi averiwe ku ya tirha edorobeni leri ndzi kuleleke eka rona! Ndzi ringete ku n’wi tumbetela ndlela leyi a ndzi titwa ha yona. Ndzi fambe ndzi lo goo, ndzi ri karhi ndzi anakanyisisa hileswi ndzi byeriweke swona. Kutani ndzi byele loyi a ndzi tirha na yena nsimu ndzi ku: ‘Ndzi ehleketa leswaku ndzi fana na Yonasi. Kambe Yonasi u hetelele a ye eNinivha. Na mina ndzi ta ya ndzi ya tirha laha ndzi averiweke kona.’

“Sweswi ndzi ni malembe ya mune ndzi ri karhi ndzi phayona edorobeni leri ndzi kuleleke eka rona naswona ndza swi vona leswaku ndzi endle xiboho lexinene hi ku yingisa nkongomiso lowu ndzi nyikiweke wona. Ndlela leyi a ndzi vona swilo ha yona a ku ri yona xiphiqo lexikulu. Sweswi ndza tiphina swinene. Hi n’hweti ntsena ndzi kote ku fambisa tidyondzo ta Bibele ta 24. Ndzi khensa Yehovha, hi leswi ndzi sunguleke dyondzo ya Bibele ni kokwana wa mina loyi a ndzi kaneta.”

NDZI KUME VUYELO LEBYINENE EFIJI

Xichudeni xin’wana xa Bibele xa le Fiji a xi fanele xi hlawula ku ya enhlengeletanweni kumbe xi famba ni nuna wa xona leswaku va ya enkhubyeni wo tlangela siku ro velekiwa ra xaka ra yena. Nuna wa xona u pfumerile leswaku xi ya enhlengeletanweni. Xi byele nuna wa xona leswaku xi ta ya xi ya n’wi kuma loko xi huma enhlengeletanweni. Loko xi vuya enhlengeletanweni, xi vone swi antswa ku papalata xiyimo xexo lexi nga onhaka vuxaka bya xona ni Xikwembu, kutani a xi yanga.

Loko nuna wa xona a byele maxaka yakwe hi leswi a xi byeleke leswaku xi va joyina loko xi vuya hi le “nhlengeletanweni ya Timbhoni,” maxaka ya yena ma te, “A nge ti; Timbhoni ta Yehovha a ti tlangeli masiku yo velekiwa!” *

Ku ve ni vuyelo lebyi tsakisaka, nuna wa xona a a tsakile hi leswi xi koteke ku yimela ripfumelo ra xona naswona xi yingiseke ripfalo ra xona. Ku tshembeka ka xona ku endle leswaku xi kota ku chumayela nuna wa xona swin’we ni van’wana. Ku ve ni vuyelo byihi? Nuna wa xona u sungule ku dyondza Bibele kutani u tlhele a sungula ku ya eminhlanganweni ya Vukreste na xona..

^ ndzim. 7 Vona “Swivutiso Swa Vahlayi” eka Xihondzo xo Rindza xa December 15, 2001.