Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Xihondzo Xo Rindza  |  No. 6 2017

 SWIVUTISO SWA VAHLAYI . . .

Xana Vakreste Va Fanele Va Tlangela Khisimusi?

Xana Vakreste Va Fanele Va Tlangela Khisimusi?

Vanhu va timiliyoni emisaveni hinkwayo va tshemba leswaku Khisimusi i siku ro tlangela ku velekiwa ka Yesu Kreste. Kambe, xana u tshame u tivutisa loko vadyondzisiwa va Yesu, lava hanyeke swin’we na yena va tshame va yi tlangela Khisimusi? Xana wa swi tiva leswi Bibele yi swi vulaka hi masiku ya ku velekiwa? Tinhlamulo ta swivutiso leswi ti ta hi pfuna hi vona loko swi fanerile leswaku Vakreste va tlangela Khisimusi.

Xo sungula, Bibele a yi boxi leswaku Yesu kumbe valandzeri vakwe vo tshembeka va tshame va tlangela masiku ya ku velekiwa. Matsalwa ma vulavula hi vanhu vambirhi ntsena lava tlangeleke masiku ya ku velekiwa. Hinkwavo ka vona a va nga ri vagandzeri va Yehovha Xikwembu, naswona eka minkhuvo ya vona ya ku tlangela siku ra ku velekiwa ku endleke swilo swo biha. (Genesa 40:20; Marka 6:21) Hi ku ya hi Encyclopædia Britannica, Vakreste vo sungula a va teka “ku tlangela masiku ya ku velekiwa ku ri mikhuva ya vahedeni.”

Xana Yesu u velekiwe rini?

Bibele a yi ri boxi siku leri Yesu a velekiweke ha rona. Cyclopedia ya McClintock na Strong yi ri: “Siku ra ku tswariwa ka Kreste a ri kumeki eka T[estamente] L[eyintshwa] kumbe hambi kwihi kun’wana.” Entiyisweni, loko Yesu a a lava leswaku valandzeri vakwe va tlangela siku ra ku velekiwa ka yena, a a ta va a va tivise rona.

Xa vumbirhi, Bibele a yi boxi loko Yesu kumbe vadyondzisiwa vakwe va tshame va tlangela Khisimusi. Hi ku ya hi New Catholic Encyclopedia, Khisimusi yi boxiwe ro sungula “eka Chronograph ya Philocalus, ku nga buku ya Makhatoliki leyi tsariweke hi 336 [C.E.].” Swi le rivaleni leswaku se a ku hundze malembe yo tala Bibele yi tsariwile naswona Yesu a nga ha ri kona laha misaveni. McClintock na Strong va vula leswaku “ku tlangeriwa ka Khisimusi a swi sunguriwanga hi Xikwembu naswona a swi kona eka T[estamente] L[eyintshwa].” *

I xiendlakalo xi hi lexi Yesu a leriseke vadyondzisiwa vakwe leswaku va xi tlangela?

Leswi Yesu a a ri Mudyondzisi Lonkulu, u swi veke erivaleni leswi a a lava vadyondzisiwa vakwe va swi endla naswona swi tsariwe eBibeleni. Kambe ku tlangeriwa ka Khisimusi a ku tsariwanga eBibeleni. Tanihi leswi mudyondzisi exikolweni a nga swi laviki loko swichudeni swakwe swi tlula swiletelo leswi a swi nyikeke swona, Yesu na yena a nga swi lavi leswaku valandzeri vakwe va ‘hundzela halahaya ka swilo leswi tsariweke.’—1 Vakorinto 4:6.

Hambiswiritano, ku na xiendlakalo xin’we xa nkoka lexi Vakreste vo sungula a va xi tlangela, ku nga Xitsundzuxo xa rifu ra Yesu. Yesu u byele vadyondzisiwa vakwe leswaku va fanele va xi tlangela rini ni ndlela leyi va faneleke va xi tlangela ha yona. Swiletelo sweswo leswi kongomeke ku katsa ni siku leri a feke ha rona, swi tsariwile eBibeleni.—Luka 22:19; 1 Vakorinto 11:25.

Hilaha se hi swi voneke hakona, Khisimusi i nkhuvo wo tlangela siku ro velekiwa naswona Vakreste vo sungula a va wu landzelanga mukhuva wolowo wa vahedeni. Ku tlula kwalaho, a ku kona laha Bibele yi vulaka leswaku Yesu kumbe valandzeri vakwe va tshame va tlangela Khisimusi. Hikwalaho ka sweswo, Vakreste va timiliyoni emisaveni hinkwayo a va yi tlangeli Khisimusi.

^ ndzim. 6 Leswaku u kuma rungula leri engetelekeke malunghana ni masungulo ya mikhuva ya Khisimusi, vona nhlokomhaka leyi nge, “Swivutiso Swa Vahlayi . . . Hi Wihi Ntiyiso Malunghana Ni Khisimusi?” eka Xihondzo xo Rindza xa December 1, 2014, eka website ya www.jw.org/ts.