Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Xihondzo Xo Rindza  |  No. 5 2017

Matlhari hinkwawo ya tinyimpi ma ta herisiwa

I Yini Leswi Bibele Yi Swi Vulaka?

I Yini Leswi Bibele Yi Swi Vulaka?

Xana ku ta kala ku va ni ku rhula laha misaveni?

A wu ta hlamula njhani?

  • Ina

  • E-e

  • Kumbexana

Leswi Bibele yi swi vulaka

Loko Yesu Kreste a fuma “ku rhula ku ta andza ku fikela n’weti wu nga ha vi kona” leswi vulaka leswaku ku rhula ku ta va kona hilaha ku nga heriki.—Pisalema 72:7.

I yini swin’wana leswi hi nga swi dyondzaka eBibeleni?

  • Lava endlaka swo biha va ta herisiwa, kambe lava endlaka leswinene va ta “kuma ntsako lowu heleleke eku rhuleni lokukulu.”—Pisalema 37:10, 11.

  • Xikwembu xi ta herisa tinyimpi hinkwato.—Pisalema 46:8, 9.

Xana swa koteka leswaku hi va ni ku rhula ka miehleketo sweswi?

Vanhu van’wana va tshemba . . . leswaku ku rhula ka miehleketo a ku nge vi kona loko ntsena emisaveni ka ha ri ni ku xaniseka ni ku pfumaleka ka vululami. Wena u ri yini?

Leswi Bibele yi swi vulaka

Ni sweswi lava nga ni vuxaka lebyinene ni Xikwembu, va nga va ni “ku rhula ka Xikwembu loku tlulaka miehleketo hinkwayo.”—Vafilipiya 4:6, 7.

I yini swin’wana leswi hi nga swi dyondzaka eBibeleni?

  • Xikwembu xi tshembisa ku herisa ku xaniseka ni ku pfumaleka ka vululami naswona xi ta “endla swilo hinkwaswo swi va leswintshwa.”—Nhlavutelo 21:4, 5.

  • Hi nga va ni ku rhula loko hi khathala hi “xilaveko xa [hina] xa moya.”—Matewu 5:3.