Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XIHONDZO XO RINDZA NO. 5 2016

I Yini Leswi Bibele Yi Swi Vulaka?

I Yini Leswi Bibele Yi Swi Vulaka?

I yini Mfumo wa Xikwembu?

VANHU VAN’WANA VA TSHEMBA leswaku wu yimela mfumo wa Xikwembu lowu nga embilwini ya munhu; van’wana va anakanya leswaku i vuyelo lebyi vaka kona hi ku va vanhu va endla matshalatshala yo tisa ku rhula emisaveni ni vun’we. U anakanya leswaku i yini Mfumo wa Xikwembu?

LESWI BIBELE YI SWI VULAKA

“Xikwembu xa le tilweni xi ta veka mfumo lowu wu nga ta ka wu nga lovisiwi. . . . Wu ta pfotlosa kutani wu herisa mimfumo leyi hinkwayo [ya vanhu].” (Daniyele 2:44) Mfumo wa Xikwembu i hulumendhe ya xiviri.

SWIN’WANA LESWI HI SWI DYONDZAKA EBIBELENI

  • Mfumo wa Xikwembu wu fuma wu ri etilweni.—Matewu 10:7; Luka 10:9.

  • Xikwembu xi tirhisa Mfumo wa xona leswaku xi endla ku rhandza ka xona etilweni ni laha misaveni.—Matewu 6:10.

Mfumo wa Xikwembu wu ta ta rini?

XANA A WU TA KU YINI?

  • A nga kona la swi tivaka

  • Ku nga ri khale

  • A wu nge pfuki wu tile

LESWI BIBELE YI SWI VULAKA

“Mahungu lamanene lawa ya mfumo ma ta chumayeriwa emisaveni hinkwayo leyi akiweke leswaku byi va vumbhoni ematikweni hinkwawo; kutani hi kona makumu ma nga ta fika.” (Matewu 24:14) Loko mahungu lamanene ma ta va ma chumayeriwile hi ku helela, kutani Mfumo wa Xikwembu wu ta lovisa mafambiselo lawa yo homboloka.

I YINI SWIN’WANA LESWI HI NGA SWI DYONDZAKA EBIBELENI

  • A ku na munhu la swi tivaka leswaku Mfumo wa Xikwembu wu ta ta rini.—Matewu 24:36.

  • Vuprofeta bya Bibeleni byi komba leswaku Mfumo wa Xikwembu wu ta ta ku nga ri khale.—Matewu 24:3, 7, 12.