Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XIHONDZO XO RINDZA NO. 4 2016

 NHLOKOMHAKA YA XIFUNENGETO | NDLELA LEYI BIBELE YI PONEKE HA YONA

Lexi Endleke Bibele Yi Pona

Lexi Endleke Bibele Yi Pona

Bibele yi ponile! Hikwalaho, namuntlha u nga ti kumela kopi ya yona u tlhela u yi hlaya. Naswona loko wo hlawula vuhundzuluxeri lebyinene bya Matsalwa, handle ko kanakana u ta tiyiseka leswaku u hlaya kopi leyi tshembekaka ya Matsalwa yo sungula. * Kambe ha yini Bibele yi ponile, ku nga khathariseki nxungeto wa ku onhaka, nkaneto wa matimba ni ku ringetiwa ka ku cinca rungula ra yona hi vomu? I yini lexi endlaka buku leyi yi va yo hlawuleka?

“Sweswi ndza khorwiseka leswaku Bibele leyi ndzi nga na yona i nyiko leyi humaka eka Xikwembu”

Swichudeni swo tala swa Bibele swi pfumelelana na muapostola Pawulo, loyi a tsaleke a ku: “Matsalwa hinkwawo ma huhuteriwe hi Xikwembu.” (2 Timotiya 3:16) Swi tshemba leswaku Bibele yi pone hikwalaho ka leswi yi nga Rito ra Xikwembu ro hlawuleka naswona Xikwembu xi yi sirhelerile ku ta fikela namuntlha. Faizal loyi a tshahiweke exihlokweni xo sungula xa swihloko leswi swa ntlhandlamano, u teke xiboho xo tikambisisela ku vona loko swihehlo sweswo swi ri ntiyiso hi ku dyondza Bibele. Leswi a swi kumeke swi n’wi hlamarisile. Hi ku hatlisa u xiye leswaku tidyondzo to tala leti dyondzisiwaka etikerekeni leti ti tivulaka ta Vakreste a ti kona eBibeleni. Ku engetela kwalaho, u tsakisiwe hi ku tiva xikongomelo xa Xikwembu hi misava hilaha xi boxiweke hakona eRitweni ra xona.

U ri: “Sweswi ndza khorwiseka leswaku Bibele leyi ndzi nga na yona i nyiko leyi humaka eka Xikwembu. Loko Xikwembu xi kote ku endla vuako hinkwabyo, xana a xi ta pfumala matimba yo hi nyika buku xi tlhela xi yi sirhelela leswaku hi ta yi kuma? Loko ndzo ala mhaka leyi, swi ta vula leswaku a ndzi tshembi leswaku Xikwembu xi ni matimba lamakulu swinene, ndzo va mani mina lerova ndzi nga ala mhaka yoleyo?”Esaya 40:8.

^ ndzim. 3 Hlaya xihloko lexi nge “U Nga Yi Hlawula Njhani Bibele Leyi Hundzuluxeriweke Kahle?” eka magazini wa May 1, 2008.

 

DYONDZA SWO TALA

Ha Yini U Fanele U Twisisa Bibele?

Vanhu vo tala va yi xixima buku leyi yo kwetsima, handle ko swi xiya leswaku yi nga va vuyerisa.