Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XIHONDZO XO RINDZA NO. 2 2017

 NHLOKOMHAKA YA XIFUNENGETO | XANA U TA YI AMUKELA NYIKO YA RISIMA LEYI HUMAKA EKA XIKWEMBU?

Xana U Yi Teka Njhani Nyiko Leyi Ya Risima Leyi Humaka Eka Xikwembu?

Xana U Yi Teka Njhani Nyiko Leyi Ya Risima Leyi Humaka Eka Xikwembu?

“Rirhandzu leri Kreste a nga na rona ra hi susumeta . . . U fele hinkwavo leswaku lava va hanyaka va nga ha tihanyeli, kambe va hanyela loyi a va feleke.”2 Vakorinto 5:14, 15.

NYIKO leyi ya risima yi fanele yi hi susumetela ku tlangela. Yesu u vulavule hi mhaka leyi, endzhaku ko horisa vavanuna va khume lava a va ri ni nhlokonho, ku nga vuvabyi lebyi a byi nga tshunguleki hi nkarhi wolowo. Un’wana wa vavanuna volavo u tlhelele eka Yesu ivi “a vangamisa Xikwembu hi rito lerikulu.” Yesu u te: “Va basisiwe va ri khume, a swi tano ke? Kutani, xana lavan’wana va kaye va kwihi?” (Luka 17:12-17) Xana hi dyondza yini? Hi dyondza leswaku a hi fanelanga hi rivala swilo leswinene leswi vanhu va hi endlelaka swona!

Nkutsulo i nyiko leyi hambaneke ni tinyiko tin’wana. I nyiko ya risima ku tlula hinkwato. Xana fanele u angula njhani eka nyiko leyi Xikwembu xi ku nyikeke yona?

  • Tiva Munyiki wa yona. Nkutsulo a wu nge endli leswaku vanhu va kuma vutomi lebyi nga heriki va lo khondla mavoko. Loko Yesu a khongela eka Xikwembu, u te: “Leswi swi vula vutomi lebyi nga heriki, ku nghenisa ka vona vutivi ha wena, Xikwembu xi ri xin’we xa ntiyiso, ni loyi u n’wi rhumeke, Yesu Kreste.” (Yohane 17:3) Loko wo byeriwa leswaku munhu un’wana u ponise vutomi bya wena loko wa ha ri ntsongo, xana a wu nga ta swi tsakela  ku tiva swo tala hi munhu wa kona ni leswaku hikwalaho ka yini a ku ponisile? Yehovha Xikwembu loyi a hi nyikeke nyiko leyi ponisaka vutomi, ku nga nkutsulo u lava leswaku u n’wi tiva kahle u tlhela u va ni vuxaka lebyinene na yena. Bibele yi ri: “Tshinelani eka Xikwembu, kutani xi ta tshinela eka n’wina.”—Yakobo 4:8.

  • Vana ni ripfumelo eka nkutsulo. “Un’wana ni un’wana loyi a kombisaka ripfumelo eka N’wana u ni vutomi lebyi nga heriki.” (Yohane 3:36) Xana swi vula yini ku va ni ripfumelo? Swi vula ku teka goza hikuva swiendlo swa hina hi swona leswi kombisaka leswaku hi ni ripfumelo eka nkutsulo. (Yakobo 2:17) Hi swihi swiendlo swa kona? Nyiko yi va ya wena loko u ti endla u fanelekela ku yi kuma naswona u yi amukela. Hikwalaho u fanele u amukela nkutsulo. Njhani? Tiva u tlhela u hanya hi ndlela leyi Xikwembu xi lavaka leswaku u hanya ha yona. * Khongela eka Yehovha u kombela ku rivaleriwa swidyoho swa wena ni ku va ni ripfalo leri baseke. Tshinela eka Xikwembu u ri karhi u tshemba leswaku nkutsulo wu ta endla leswaku enkarhini lowu taka, vanhu hinkwavo lava kombisaka ripfumelo eka wona, va va ni ku rhula, nsirhelelo ni ku tiphina hi vutomi hilaha ku nga heriki!—Vaheveru 11:1.

  • Vana kona eXitsundzuxweni xa rifu ra Yesu. Yesu u simeke xiendlakalo lexi a xi ta endliwa lembe ni lembe leswaku ku tsundzukiwa gandzelo rakwe ra nkutsulo. Malunghana ni xiendlakalo xexo, u te: “Tshamani mi ri karhi mi endla leswi leswaku mi ndzi tsundzuka.” (Luka 22:19) Timbhoni ta Yehovha ti ta tsundzuka rifu ra Yesu hi Ravumbirhi, April 11, 2017, endzhaku ka ku pela ka dyambu. Nongonoko wa kona wu ta teka kwalomu ka awara, ku ta hlamuseriwa leswi rifu ra Yesu ri hi pfunaka ha swona ni ndlela leyi ri nga ta hi vuyerisa ha yona sweswi ni le nkarhini lowu taka. N’wexemu, vanhu va kwalomu ka 20 wa timiliyoni va ve kona eXitsundzuxweni. Ha ku rhamba leswaku u va kona loko hi ri karhi hi kombisa leswaku ha yi khensa nyiko ya risima leyi Xikwembu xi hi nyikeke yona.

^ ndzim. 7 Ndlela leyinene yo tiva Xikwembu ni ku tshinela eka xona, i ku dyondza Rito ra xona, ku nga Bibele. Loko u lava ku endla tano, kombela un’wana wa Timbhoni ta Yehovha leswaku a ku pfuna kumbe u nghena eka website ya www.jw.org/ts..

DYONDZA SWO TALA

Nkutsulo I Nyiko Ya Nkoka Leyi Humaka Eka Xikwembu

I yini nkutsulo? Xana wu nga ku vuyerisa hi ndlela yihi?