Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XALAMUKA! NO. 3 2016

 NHLOKOMHAKA YA XIFUNENGETO | KU FIKELELA VANHU VA TINDZIMI TO TALA

Timbhoni Ta Yehovha Ti Yi Lwile Eka Vuhundzuluxeri

Timbhoni Ta Yehovha Ti Yi Lwile Eka Vuhundzuluxeri

SWESWI emisaveni hinkwayo ku ni tindzimi to tala swinene leti endlaka kwalomu ka 7 000, hikwalaho ka sweswo a swi olovi ku endzela matiko man’wana hambi ku ri ku kuma mintirho. I khale swi ri hi ndlela leyi. Hi xikombiso, kwalomu ka malembe ya 2 500 lama hundzeke, ehansi ka mfumo wa Hosi Ahasuwerusi (loyi kumbexana a ku ri Xerxes wo Sungula) Vaperesiya va rhumele nawu etikweni hinkwaro “ku sukela eIndiya ku ya aEtiyopiya, miganga leyi nga ehansi ka vulawuri bya hosi yi ri 127, muganga wun’wana ni wun’wana lowu nga ehansi ka vulawuri bya hosi wu tsaleriwe hi matsalelo ya wona ni vanhu van’wana ni van’wana hi ririmi ra vona.” *

Namuntlha minhlangano yo tala ku katsa ni mimfumo a yi nge swi koti ku endla ntirho wolowo wo tika swinene. Hambiswiritano, ku ni nhlengeletano yin’we ntsena leyi swi koteke ku endla tano. Timbhoni ta Yehovha ti kandziyisa timagazini, tivhidiyo ni tibuku to tala, ku katsa ni Bibele hi tindzimi leti tlulaka 750. Ti katsa ni tindzimi tin’wana ta mavoko ta 80. Timbhoni ti tlhela ti kandziyisa mikandziyiso ya Braille ya lava feke mahlo.

Mhaka yin’wana hi leswaku Timbhoni ta Yehovha a ti bindzuli eka matshalatshala lawa ti ma endlaka. Ku ri na sweswo vahundzuluxeri ni vatirhi van’wana va tirha hi ku tirhandzela. Ha yini va endla matshalatshala yo hundzuluxela hi tindzimi to tala naswona va swi endlisa ku yini sweswo?

^ ndzim. 3 Hlaya eka Estere 8:9 eBibeleni.