Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XIHONDZO XO RINDZA NO. 1 2017

Xana leswi misava yi taleriweke hi vuhomboloki, swi vula leswaku Xikwembu hi xona xi byi vangaka?

I Yini Leswi Bibele Yi Swi Vulaka?

I Yini Leswi Bibele Yi Swi Vulaka?

Xana Xikwembu hi xona xi vangaka ku xaniseka?

A wu ta hlamula njhani?

  • Ina

  • E-e

  • Kumbexana

Leswi Bibele yi swi vulaka

“A swi ve ekule swinene ni Xikwembu xa ntiyiso leswaku xi endla hilaha ku hombolokeke, ni Lowa Matimba Hinkwawo ku endla hilaha ku nga lulamangiki!” (Yobo 34:10) Xikwembu a hi xona xi vangaka swilo swo biha ni maxangu lawa hi ma vonaka laha misaveni.

I yini swin’wana leswi hi nga swi dyondzaka eBibeleni?

  • Sathana Diyavulosi “mufumi wa misava” leyi, hi yena loyi a vangaka maxangu.—Yohane 14:30.

  • Nakambe, maxangu ni swilo swo homboloka swi tala ku vangiwa hi swiboho swo biha leswi vanhu va swi endlaka.—Yakobo 1:14, 15.

Xana maxangu ma ta kala ma hela?

Vanhu van’wana va tshemba leswaku loko vanhu vo endla matshalatshala, va nga swi kota ku herisa maxangu, kasi van’wana a va tshembi leswaku maxangu ma ta kala ma hela. Wena u ri yini?

Leswi Bibele yi swi vulaka

Xikwembu xi ta herisa maxangu. “Rifu a ri nge he vi kona, hambi ku ri ku kolola, ni xirilo ni xitlhavi a swi nge he vi kona.”—Nhlavutelo 21:3, 4.

I yini swin’wana leswi hi nga swi dyondzaka eBibeleni?

  • Hi ku tirhisa Yesu, Xikwembu xi ta herisa maxangu hinkwawo lama vangiweke hi Diyavulosi.—1 Yohane 3:8.

  • Vanhu vo lulama va ta hanya hi ku rhula laha misaveni hi laha ku nga heriki.—Pisalema 37:9-11, 29.

 

 

DYONDZA SWO TALA

Hi Yihi Dyondzo Leyi Nga Ntiyiso Malunghana Ni Xikwembu?

U anakanya onge Xikwembu xa khathala ha wena? Dyondza hi vumunhu bya xona ni ndlela leyi u nga tshinelaka eka xona ha yona.