Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XIHONDZO XO RINDZA DECEMBER 2015

 NHLOKOMHAKA YA XIFUNENGETO | HA YINI U FANELE U TWISISA BIBELE?

Ha Yini U Fanele U Twisisa Bibele?

Ha Yini U Fanele U Twisisa Bibele?

“Bibele i buku leyi dumeke swinene ya vukhongeri. Kambe Machayina a ma yi tolovelanga naswona a hi ya nkoka eka wona.”—LIN, WA LE CHAYINA.

“Swa ndzi tikela hambi ku ri ku twisisa tibuku to kwetsima ta vukhongeri bya mina bya Xihindu. Kutani ndzi nga yi twisisa njhani Bibele?”—AMIT, WA LE INDIYA.

“Ndza yi xixima Bibele hileswi yi nga ya khale naswona ndzi tweke leswaku yi xaviwa ngopfu. Kambe a ndzi si tshama ndzi yi vona.”—YUMIKO, WA LE JAPANI.

Vanhu vo tala emisaveni hinkwayo va yi teka yi ri ya nkoka Bibele. Kambe swi nga endleka va nga tivi swo tala hileswi Bibele yi swi vulaka kasi van’wana a va tivi nchumu hi yona. Swi tano ni le ka vanhu va timiliyoni lava tshamaka eAsia ni le matikweni yo tala laha Bibele yi kumekaka kona.

Hambiswiritano u nga ha tivutisa leswi, ‘Ha yini ndzi fanele ndzi tikarhatela ku twisisa Bibele?’ Ku twisisa leswi buku leyi yo kwetsima yi swi vulaka swi ta ku pfuna leswaku u endla leswi landzelaka:

  • U eneriseka u tlhela u tsaka

  • U kota ku langutana ni swiphiqo swa ndyangu

  • U hlula ku vilela

  • U antswisa vuxaka bya wena ni van’wana

  • U tirhisa mali hi vutlhari

Anakanya hi Yoshiko wa le Japani. U tivutise leswaku Bibele yi vulavula hi yini kutani a sungula ku yi hlaya. Xana vuyelo byi ve byihi? U te: “Bibele yi ndzi pfune leswaku ndzi hanya vutomi lebyi nga ni xikongomelo ni ku va ni ntshembo hi vumundzuku naswona ndzi titwa ndzi enerisekile.” Amit loyi ku vulavuriweke ha yena laha henhla, na yena u sungule ku hlaya Bibele. U ri: “Ndzi hlamarisiwe hileswi Bibele yi nga ni rungula leri pfunaka eka hinkwerhu.”

Bibele yi cince vutomi bya vanhu va timiliyoni. Ha yini u nga yi hlayi leswaku na wena u ta vuyeriwa?