Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XIHONDZO XO RINDZA DECEMBER 2015

Tinhlamulo Ta Swivutiso Swa Bibele

Tinhlamulo Ta Swivutiso Swa Bibele

Xana hi nga wu tiva ntiyiso mayelana ni Xikwembu?

Ha yini Xikwembu xi lava leswaku hi tiva ntiyiso? Hlaya Yohane 17:3

Xikwembu a xi vulavula ni vanhu. Xi tirhise moya wa xona lowo kwetsima leswaku xi byela vatsari va Bibele leswi a va fanele va swi tsala. (2 Petro 1:20, 21) Hi nga wu tiva ntiyiso hi Xikwembu loko hi hlaya Bibele.—Hlaya Yohane 17:17; 2 Timotiya 3:16.

EBibeleni, Xikwembu xa tihlavutela leswaku xona xi njhani. Xa hlamusela leswaku ha yini xi vumbe munhu, leswi xi nga ta swi endlela vanhu ni ndlela leyi xi lavaka leswaku hi hanya ha yona. (Mintirho 17:24-27) Yehovha Xikwembu u lava leswaku hi tiva ntiyiso hi yena.—Hlaya 1 Timotiya 2:3, 4.

Ha yini Xikwembu xi amukela lava rhandzaka ntiyiso?

Yehovha i Xikwembu xa ntiyiso, naswona u rhumele N’wana wa yena, Yesu, leswaku a ta dyondzisa vanhu ntiyiso. Hikokwalaho, lava va rhandzaka ntiyiso va landzela Yesu. (Yohane 18:37) Xikwembu xi lava leswaku vanhu volavo va va vagandzeri va xona.—Hlaya Yohane 4:23, 24.

Sathana Diyavulosi u sivele vanhu vo tala leswaku va nga xi tivi Xikwembu hi ku hangalasa tidyondzo ta mavunwa hi xona. (2 Vakorinto 4:3, 4) Vanhu lava nga wu rhandziki ntiyiso va kokiwa hi tidyondzo teto. (Varhoma 1:25) Kambe vanhu va timiliyoni vo tshembeka va kuma ntiyiso mayelana ni Xikwembu hi ku va va dyondza Bibele.—Hlaya Mintirho 17:11.

 

DYONDZA SWO TALA

Hi Yihi Dyondzo Leyi Nga Ntiyiso Malunghana Ni Xikwembu?

U anakanya onge Xikwembu xa khathala ha wena? Dyondza hi vumunhu bya xona ni ndlela leyi u nga tshinelaka eka xona ha yona.

Ha Yini U Fanele U Dyondza Bibele?

Bibele yi le ku pfuneni ka vanhu va timiliyoni emisaveni hinkwayo leswaku va kuma tinhlamulo ta swivutiso swa nkoka evuton’wini. Xana na wena u nge tsakeli leswaku yi ku pfuna?