Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XIHONDZO XO RINDZA OCTOBER 2015

Swivutiso Leswi Hlamuriwaka Hi Bibele

Swivutiso Leswi Hlamuriwaka Hi Bibele

Xana misava leyi nga riki na vusweti yi ta va kona?

Xana Xikwembu xi ta byi herisa njhani vusweti emisaveni?—Matewu 6:9, 10.

Vanhu va timiliyoni lava hanyaka evuswetini va fa lembe ni lembe hikwalaho ka vuvabyi ni ku kayivela ka swakudya. Hambileswi matiko man’wana swi ma fambelaka kahle, ka ha ri ni vanhu vo tala lava hanyaka evuswetini lebyikulu. Bibele yi kombisa leswaku vusweti i xiphiqo lexi karhateke vanhu ku sukela khale.—Hlaya Yohane 12:8.

Swi nga ha lava mfumo wa misava hinkwayo ku leswaku vusweti byi hela. Mfumo wolowo wu fanele wu kota ku ava rifuwo leri nga kona hi ndlela leyinene wu tlhela wu herisa ni tinyimpi, hikuva hi tona xivangelo lexikulu xa vusweti. Xikwembu xi hi tshembisa mfumo wo tano.—Hlaya Daniyele 2:44.

I mani loyi a nga ta herisa vusweti?

Xikwembu xi veke N’wana wa xona Yesu leswaku a fuma misava hinkwayo. (Pisalema 2:4-8) Yesu u ta kutsula swisiwana a tlhela a herisa ku tshikileriwa ni madzolonga.—Hlaya Pisalema 72:8, 12-14.

Tanihi laha swi profetiweke hakona, Yesu “Hosana ya Ku Rhula,” u ta tisa ku rhula ni nsirhelelo emisaveni. Kutani vanhu hinkwavo va ta va ni makaya, va tsakela ntirho lowu enerisaka ni swakudya swo tala.—Hlaya Esaya 9:6, 7; 65:21-23.

 

DYONDZA SWO TALA

Xana Yesu U Ta Endla Yini eNkarhini Lowu Taka?

Yesu u ta tisa ku rhula laha misaveni.

Xana Hi Ta Kala Hi Va Ni Hulumendhe Yin’we Leyi Nga Ta Fuma Misava Hinkwayo?

Anakanya hi ku rhula ni nsirhelelo leswi hulumendhe ya misava hinkwayo yi nga ta swi tisa. Xikwembu xi tshembisa hulumendhe yoleyo. I mani mufumi wa yona la fanelekaka?