Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XIHONDZO XO RINDZA SEPTEMBER 2015

 NHLOKOMHAKA YA XIFUNENGETO | TIMBHONI TA YEHOVHA I VAMANI?

Timbhoni Ta Yehovha I Vanhu Va Njhani?

Timbhoni Ta Yehovha I Vanhu Va Njhani?

Hina hi nhlengeletano ya misava hinkwayo leyi nga ti hlanganisiki ni mintlawa yin’wana ya vukhongeri. Hambileswi ntsindza wa hina wu nga le United States, Timbhoni ta Yehovha to tala ti tshama ematikweni man’wana. Hi vanhu va kwalomu ka timiliyoni ta nhungu, hi dyondzisa vanhu Bibele ematikweni lama tlulaka 230. Hi endla hilaha Yesu a vuleke hakona loko a ku: “Mahungu lamanene lawa ya mfumo ma ta chumayeriwa emisaveni hinkwayo leyi akiweke leswaku byi va vumbhoni ematikweni hinkwawo.”—Matewu 24:14.

Eka tiko rin’wana ni rin’wana laha hi tshamaka kona, hi yingisa milawu ya kona. Kambe a hi hlanganyeli eka swa tipolitiki. Sweswo hi swi endla hi leswi Yesu a vuleke leswaku Vakreste a va fanelanga va va “xiphemu xa misava.” Hi tlhela hi nga katseki eka timhaka ta tipolitiki ni mintirho yin’wana leyi seketelaka nyimpi. (Yohane 15:19; 17:16) Hi nkarhi wa Nyimpi ya Vumbirhi ya Misava, Timbhoni ta Yehovha ti khomiwile, ti xanisiwa hileswi a ti nga lavi ku hlanganyela eka tipolitiki. Khale ka mubixopo wa le Jarimani u tsale a ku: “Ti nga vula hi ku tiyiseka leswaku eka Mfumo wa Manazi wa le Jarimani hi tona ntsena ti khomeleleke eka leswi ti pfumelaka eka swona.”

“[Timbhoni ta Yehovha] ti ni mahanyelo lamanene. Hikwalaho ka sweswo, a ti ta tirha hi ku tshembeka eka swikhundlha leswi tlakukeke swa tipolitiki—kambe a hi nge pfuki hi ti vona ti tirha kwalaho. . . . Timbhoni ta byi xixima vulawuri bya mfumo, kambe ti tshemba leswaku i Mfumo wa Xikwembu ntsena lowu nga ta herisa swiphiqo swa vanhu.”—Phephahungu ra Nová Svoboda ra le Riphabliki ra Czech.

Hambiswiritano, a hi tihambanisi ni vanhu van’wana. Yesu u khongelele valandzeri vakwe eka Xikwembu a ku: “Ndza ku kombela leswaku u nga va susi emisaveni.” (Yohane 17:15) Hikokwalaho, na hina hi ya entirhweni, eswitolo ni le xikolweni laha hi tshamaka kona.

DYONDZA SWO TALA

I Yini Mfumo Wa Xikwembu?

Xiya ndlela leyi mfumo wa Xikwembu wu tlakukeke ha yona ku tlula tihulumendhe letin’wana hinkwato.