Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XIHONDZO XO RINDZA SEPTEMBER 2015

 NHLOKOMHAKA YA XIFUNENGETO | TIMBHONI TA YEHOVHA I VAMANI?

Mintirho Ya Hina Yi Seketeriwa Njhani Hi Timali?

Mintirho Ya Hina Yi Seketeriwa Njhani Hi Timali?

Lembe rin’wana ni rin’wana, hi kandziyisa hi tlhela hi fambisa Tibibele to tala ni tibuku leti sekeriweke eBibeleni. Hi aka hi tlhela hi khathalela tihofisi ni tindhawu to kandziyisa emisaveni hinkwayo. Makume ya magidi ya mavandlha ma hlangana emiakweni leyi xiximekaka ya ku gandzela, leyi vuriwaka Tiholo ta Mfumo. I mani a hakelelaka swilo leswi hinkwaswo?

Ntirho wa hina wu seketeriwa hi minyikelo ya ku tirhandzela. (2 Vakorinto 9:7) Hi 1879 magazini wa Zion’s Watch Tower [hilaha Xihondzo xo Rindza a xi vitaniwa hakona hi nkarhi wolowo] wu te: “Hi tshemba leswaku YEHOVHA i museketeri wa hina, hikwalaho a hi nge kombeli nseketelo eka vanhu.” Ninamuntlha swa ha ri tano.

Minyikelo yi rhumeriwa emarhavini kumbe yi cheriwa ebokisini ra munyikelo leri nga eHolweni ya Mfumo. A hi humesi vukhume, a hi lavi minhlengo kumbe ku hakeriwa ntsengo wo karhi hikwalaho ka ntirho lowu hi wu endlaka kumbe tibuku ta hina. A hi hakeriwi loko hi chumayela, loko hi dyondzisa evandlheni ni loko hi pfuneta ku aka miako ya hina ya vugandzeri. Yesu u te: “Mi amukele mahala, nyikani mahala.” (Matewu 10:8) Vanhu lava nga emarhavini ya hina ni le ntsindza, hambi ku ri lava vumbaka Huvo leyi Fumaka ya Timbhoni ta Yehovha, a va holeriwi.

“Mintirho hinkwayo ya Timbhoni ta Yehovha, yi seketeriwa hi ‘minyikelo’ ya ku tirhandzela, munhu un’wana ni un’wana u humesa munyikelo lowu a wu tsakelaka swi huma embilwini.”—Huvo ya Matiko ya Yuropa ya Timfanelo ta Vanhu, 2011

Minyikelo leyi yi tlhela yi tirhisiwa ku phalala lava hlaseriweke hi timhangu ta ntumbuluko. Vakreste va khale a va swi tsakela ku pfuna vanhu van’wana. (Varhoma 15:26) Na hina hi pfuna lava hlaseriweke, hi ku pfuxeta tiyindlu ta vona, laha va gandzelaka kona, hi va nyika swakudya, swiambalo ni vutshunguri.

DYONDZA SWO TALA

Ndlela Leyi Hi Nga Pfunetaka Ha Yona Ku Enerisa Swilaveko Swa Van’wana

Twana ndlela leyi minyikelo ya misava hinkwayo ya Timbhoni ta Yehovha yi pfunaka ku enerisa swilaveko swa van’wana ha yona.