Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XIHONDZO XO RINDZA SEPTEMBER 2015

 NHLOKOMHAKA YA XIFUNENGETO | TIMBHONI TA YEHOVHA I VAMANI?

Ha Yini Hi Chumayela?

Ha Yini Hi Chumayela?

Hina Timbhoni ta Yehovha hi tiviwa ngopfu hi ntirho wa hina wo chumayela hi yindlu ni yindlu, eka tindhawu ta mani na mani, ni hinkwako laha vanhu va kumekaka kona. Ha yini hi chumayela?

Hi chumayela leswaku hi dzunisa Xikwembu, ni ku endla leswaku vito ra xona ri tiviwa. (Vaheveru 13:15) Nakambe hi yingisa leswi Kreste Yesu a swi leriseke loko a ku: “Hikokwalaho fambani mi ya endla vanhu va matiko hinkwawo va va vadyondzisiwa, . . . mi va dyondzisa ku hlayisa swilo hinkwaswo leswi ndzi mi leriseke swona.”—Matewu 28:19, 20.

Ku tlula kwalaho, hi rhandza vaakelani va hina. (Matewu 22:39) Ha swi xiya leswaku vanhu vo tala va ni tikereke ta vona, ni leswaku a hi hinkwavo va tsakelaka rungula ra hina. Hambiswiritano, ha tshemba leswaku tidyondzo ta Bibele ti ponisa vutomi. Hikokwalaho hi ‘hambeta hi nga rhuteli ku dyondzisa ni ku vula mahungu lamanene hi Kreste, Yesu,’ hilaha Vakreste va khale va endleke hakona.—Mintirho 5:41, 42.

Mutivi wa ntshamisano Antonio Cova Maduro, u te: “Timbhoni ta Yehovha, ti endla matshalatshala leswaku matsalwa yo kwetsima ma fikelela tindhawu ta le kule swinene ta misava.”—Phephahungu ra El Universal, Venezuela

Vanhu vo tala lava hlayaka tibuku ta hina a hi Timbhoni ta Yehovha. Kasi vanhu va timiliyoni lava hi dyondzaka na vona Bibele i va vukhongeri byin’wana. Kambe va tsaka leswi Timbhoni ti va endzelaka ku ta dyondza na vona.

I ntiyiso leswaku u nga ha va ni swivutiso swin’wana hi Timbhoni ta Yehovha. Loko swi ri tano u nga kuma tinhlamulo hi ku

DYONDZA SWO TALA

Xana Timbhoni Ta Yehovha Ti Tshemba Leswaku Hi Tona Ntsena Leti Nga Ta Ponisiwa?

Bibele yi hlamusela leswaku i vamani lava nga ta ponisiwa.

Xana Timbhoni Ta Yehovha Ti Ni Vachumayeri Va Xisati?

Xana vavasati va hoxa xandla hi ndlela yihi eka ntirho wa misava hinkwayo wo chumayela lowu endliwaka hi Timbhoni ta Yehovha?