Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XIHONDZO XO RINDZA SEPTEMBER 2015

 NHLOKOMHAKA YA XIFUNENGETO | TIMBHONI TA YEHOVHA I VAMANI?

I Yini Leswi Timbhoni Ta Yehovha Ti Swi Pfumelaka?

I Yini Leswi Timbhoni Ta Yehovha Ti Swi Pfumelaka?

Timbhoni ta Yehovha ti pfumela leswaku “Matsalwa hinkwawo ma huhuteriwe hi Xikwembu naswona ma pfuna.” (2 Timotiya 3:16) Hi dyondza Bibele leswaku yi hi pfuna hi tiva Muvumbi hi tlhela hi hanya vutomi lebyi nga ni xikongomelo.

Bibele yi ri: “Leswaku vanhu va ta swi tiva leswaku wena loyi vito ra wena u nga Yehovha, Wena u ri wexe u La nge Henhla-henhla emisaveni hinkwayo.” (Pisalema 83:18) Hikokwalaho, hi gandzela Yehovha Xikwembu ntsena naswona leswi hi nga timbhoni takwe, hi tiyimisele ku byela vanhu hi vito rakwe.—Esaya 43:10-12.

Leswi hi nga Vakreste, hi tshemba leswaku Yesu “N’wana wa Xikwembu,” * u te emisaveni kutani a va Mesiya. (Yohane 1:34, 41; 4:25, 26) Endzhaku ka loko Yesu a file, u pfuxiwile kutani a tlhandlukela etilweni. (1 Vakorinto 15:3, 4) Sweswi Yesu i Hosi ya Mfumo wa Xikwembu. (Nhlavutelo 11:15) Mfumo wolowo i wa xiviri naswona wu ta hundzula misava yi va Paradeyisi. (Daniyele 2:44) Bibele yi ri: “Lavo rhula va ta dya ndzhaka ya misava, hakunene va ta kuma ntsako lowu heleleke eku rhuleni lokukulu.”—Pisalema 37:11, 29.

“Timbhoni ti tshemba leswaku loko ti dyondza Bibele, swi fana niloko Xikwembu xi vulavula na tona. Loko ti ri ni swiphiqo, ti lava mpfuno eka Rito ra Xikwembu. . . . Eka tona, Rito ra Xikwembu ra hanya.”—Mufundhisi wa Khatoliki Benjamin Cherayath, phephahungu ra Münsterländische Volkszeitung, eJarimani

Timbhoni ta Yehovha ti tshemba leswaku milawu ya Bibele ya pfuna ninamuntlha. (Esaya 48:17, 18) Hikwalaho, hi khomelela swinene eka milawu yoleyo ya le Bibeleni. Hi xikombiso, Bibele yi lemukisa leswaku hi balekela swilo leswi nga ta onha mianakanyo ni mimiri ya hina, hikwalaho a hi dzahi fole kumbe swidzidziharisi. (2 Vakorinto 7:1) Hi tlhela hi fambela ekule ni mikhuva leyi nga fambisaniki ni Bibele, yo fana ni vudakwa, ku tikhoma ko biha hi timhaka ta masangu ni ku yiva.—1 Vakorinto 6:9-11.

^ ndzim. 5 Bibele yi tlhela yi vula leswaku Yesu i “N’wana wa Xikwembu la tswariweke a ri swakwe” hikuva hi yena ntsena loyi Yehovha a n’wi tumbuluxeke hi byakwe.—Yohane 3:18; Vakolosa 1:13-15.

DYONDZA SWO TALA

Xana Timbhoni Ta Yehovha Ti Pfumela Leswaku Vukhongeri Bya Tona Hi Byona Ntsena Bya Ntiyiso?

Xana Yesu u vule leswaku ku ni tindlela to tala leti yisaka eku poniseni?