Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XIHONDZO XO RINDZA JULY 2015

 NHLOKOMHAKA YA XIFUNENGETO | U NGA KU HLULA NJHANI KU VILELA?

Ku Vilela Hikwalaho Ka Khombo

Ku Vilela Hikwalaho Ka Khombo

Alona u ri: “Loko ndzi twa ku rila ka alamu ni ku buluka ka tibomo, mbilu ya mina a yi bela henhla kutani ndzi tsutsumile ndzi ya tumbela. Hambileswi a ndzi tumberile, a ndza ha chuhile. Loko ndzi ri handle ku nga ri na ndhawu yo tumbela a ndzi chuha ku tlula mpimo. Siku rin’wana loko ndzi ri karhi ndzi famba exitarateni, ndzi sungule ku rila ndzi nga ha koti ni ku hefemula kahle. Ku hundze tiawara ndzi nga si rhurisa mbilu. Hi nkarhi wolowo alamu yi tlhele yi sungula ku rila.”

Alona

Tinyimpi i swin’wana swa swilo leswi vangaka khombo. Hi xikombiso, loko u kuma leswaku munhu loyi u n’wi rhandzaka kumbe wena hi wexe u ni vuvabyi lebyi nga tshungulekiki, swi nga ku tsema nhlana. Kasi van’wana va vilela swinene hikwalaho ka vumundzuku. Va karhateka va tivutisa va ku: ‘Xana vana va hina kumbe vatukulu va ta hanya eka misava leyi nga ni tinyimpi, vugevenga, ku thyakisiwa ka moya ku cinca ka maxelo ni mintungu?’ Hi ta langutana njhani ni swiphiqo leswi?

“Munhu la [tlhariheke] u vona khombo ra ha ri kule kutani a tumbela.” (Swivuriso 27:12, Bibele—Mahungu Lamanene) Leswi hi tikarhataka leswaku hi sirhelela rihanyo ra hina, hi nga ha sirhelela mianakanyo ni mintlhaveko ya hina. Vuhungasi lebyi nga ni madzolonga ni swiviko swa mahungu leswi tsemaka nhlana, swi engetela ku karhateka eka hina ni le ka vana va hina. Loko hi balekela swilo swa madzolonga a swi vuli leswaku a hi na mhaka ni swilo leswi endlekaka. Xikwembu a  xi hi endlanga leswaku hi tshamela ku anakanya hi swilo swo biha. Kambe hi fanele hi tata mianakanyo ya hina hi “swilo swin’wana ni swin’wana swa ntiyiso, . . .  swo lulama, . . . swo tenga, [ni] leswi rhandzekaka.” Loko hi endla tano, “Xikwembu xa ku rhula” xi ta hi nyika ku rhula ka mianakanyo ni ka mbilu.—Vafilipiya 4:8, 9.

NKOKA WA XIKHONGELO

Ripfumelo leri tiyeke ri hi pfuna leswaku hi kota ku langutana ni ku vilela. Bibele yi hi khutaza leswaku hi “xalamuka eswikhongelweni.” (1 Petro 4:7) Hi nga kombela mpfuno eka Xikwembu, vutlhari ni xivindzi leswaku swiyimo swa hina swi nga hi heti matimba kambe hi tiyiseka leswaku “xa hi twa malunghana ni xin’wana ni xin’wana lexi hi xi kombelaka.”—1 Yohane 5:15.

A ri ni nuna wakwe Avi

Bibele yi vula leswaku “mufumi wa misava leyi” a hi Xikwembu kambe i Sathana naswona “misava hinkwayo yi le hansi ka matimba ya lowo homboloka.” (Yohane 12:31; 1 Yohane 5:19) Hikwalaho, Yesu a nga tirhisanga xigaririmi loko a hi dyondzisa ku khongela a ku: “Hi kutsule eka lowo homboloka.” (Matewu 6:13) Alona u ya emahlweni a ku: “Loko alamu yi sungula ku rila a ndzi kombela Yehovha a ndzi pfuna leswaku ndzi lawula ndlela leyi ndzi titwaka ha yona. Nuna wa mina loyi ndzi n’wi rhandzaka a a khongela na mina. Hakunene ku khongela swa pfuna.” Bibele yi ri: “Yehovha u le kusuhi ni hinkwavo lava n’wi vitanaka, eka hinkwavo lava n’wi vitanaka hi ntiyiso.”—Pisalema 145:18.

NTSHEMBO WA HINA HI VUMUNDZUKU

Eka Dyondzo yakwe ya le Ntshaveni, Yesu u dyondzise valandzeri vakwe ku khongela va ku: “Mfumo wa wena a wu te.” (Matewu 6:10) Mfumo wa Xikwembu wu ta herisa ku vilela hinkwako. Xikwembu xi ta tirhisa Yesu “Hosana ya Ku Rhula,” leswaku xi “herisa tinyimpi ku ya fika emakumu ya misava.” (Esaya 9:6; Pisalema 46:9) “Kunene [Xikwembu xi] ta avanyisa exikarhi ka vanhu vo tala . . . A va nge ri tlakusi banga, tiko rin’wana ku lwa ni tiko rin’wana, naswona a va nge he dyondzi nyimpi. . . . A ku nge vi na munhu loyi a va chavisaka.” (Mikiya 4:3, 4) Mindyangu leyi tsakeke yi “ta aka tindlu [yi] tshama eka tona; kunene [yi] ta rima masimu ya vhinya [yi] dya mihandzu ya wona.” (Esaya 65:21) “Ku hava munhu la tshamaka kona la nga ta ku: ‘Ndza vabya.’”—Esaya 33:24.

Ku nga khathariseki leswi hi swi endlaka leswaku hi tisirhelela, a hi minkarhi hinkwayo hi kotaka ku sivela “xiendlakalo lexi nga languteriwangiki” kumbe ku papalata ku va endhawini leyi nga fanelangiki hi nkarhi lowu nga fanelangiki. (Eklesiasta 9:11) Se i khale tinyimpi, madzolonga ni vuvabyi swi dlaya vanhu lava nga riki na nandzu. Hi wihi ntshembo lowu vanhu volavo va nga na wona?

Vanhu va ntsandza vahlayi lava feke Xikwembu xi ta va pfuxa. Sweswi vanhu volavo va le mianakanyweni ya Xikwembu naswona va rindze nkarhi lowu “hinkwavo lava nga eka masirha-bako ya xitsundzuxo va nga ta . . . huma.” (Yohane 5:28, 29) Loko Bibele yi vulavula hi ku pfuxiwa ka vafi yi hi tiyisekisa yi ku: “Ntshembo lowu hi na wona tanihi nsoma wa moya-xiviri, wu tiyisekisiwile ni ku tiya.” (Vaheveru 6:19) Xikwembu “xi nyike xitiyisekiso eka vanhu hinkwavo hi ku pfuxa [Yesu] eka lava feke.”—Mintirho 17:31.

Kambe sweswi hambi ku ri vanhu lava ringetaka ku tsakisa Xikwembu, va ta langutana ni maxangu. Paul, Janet na Alona, va kota ku langutana ni ku vilela hileswi va khongelaka eka Xikwembu va tlhela va tiyisisa ripfumelo ra vona eka ntshembo wa le Bibeleni hi vumundzuku. “Onge Xikwembu lexi nyikaka ntshembo xi nga mi tata hi ntsako hinkwawo ni ku rhula hi ku kholwa ka n’wina” hilaha xi endleke hakona eka vona.—Varhoma 15:13.

DYONDZA SWO TALA

Sathana Hi Yena A Vangaka Nyimpi Ni Ku Xaniseka

Xana Bibele yi yi hlamusela njhani nyimpi ya le tilweni ni nyimpi ya misava ni maxangu ya laha misaveni?

Ku Ta Tisa Ku Yini Ku Rhula Emisaveni?

Dyondza ndlela leyi Xikwembu xi nga ta ku tisa ha yona ku rhula emisaveni hi ku tirhisa Mfumo wa xona.