Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XIHONDZO XO RINDZA APRIL 2015

Tinhlamulo Ta Swivutiso Swa Bibele

Tinhlamulo Ta Swivutiso Swa Bibele

Xana vumundzuku byi va khomele yini vanhu?

Xana rifu ra Yesu ri swi endlisa ku yini leswaku swi koteka ku va vanhu va khathalelana?

A swi kanakanisi leswaku vanhu va ta ya mahlweni va endla nhluvuko eka swilo swa sayense. Kambe, xana va ta swi kota ku endla leswaku vanhu va khathalelana? Doo! Namuntlha vanhu emisaveni hinkwayo va tele vutianakanyi ni makwanga. Hambiswiritano, Xikwembu xi tshembisa ku tisa xiyimo lexinene evanhwini.—Hlaya 2 Petro 3:13.

Rito ra Xikwembu ri hlamusela vumundzuku bya misava hinkwayo laha vanhu va nga ta rhandzana. Vanhu va ta sirheleleka naswona a ku nge vi na loyi a nga ta va vavisa.—Hlaya Mikiya 4:3, 4.

Vutianakanyi byi ta herisiwa njhani?

Eku sunguleni Xikwembu xi vumbe munhu a nga ri na vutianakanyi. Kambe leswi munhu wo sungula a hlawuleke ku nga yingisi Xikwembu, swi endle leswaku a nga ha hetiseki. Hina hi tekelele mukhuva lowu wa vutianakanyi. Kambe Xikwembu xi ta tirhisa Yesu leswaku a tlherisela ku hetiseka evanhwini.—Hlaya Varhoma 7:18, 21, 24, 25.

Yesu u file a va nkutsulo kutani a siva ku nga yingisi nga munhu wo sungula naswona sweswo a swi fambisana ni ku rhandza ka Xikwembu. (Varhoma 5:19) Hi ku endla tano, Yesu u endle leswaku swi koteka ku va vanhu va va ni vumundzuku lebyi hlamarisaka laha va nga ta ka va nga ha anakanyi ku endla swilo swo biha.—Hlaya Pisalema 37:9-11.

 

DYONDZA SWO TALA

Hi Xihi Xikongomelo Xa Xikwembu Hi Misava?

Bibele yi hlamusela xivangelo xo va Xikwembu xi tumbuluxe misava, nkarhi lowu ku xaniseka ku nga ta hela ni leswi vumundzuku byi yi khomeleke swona misava ni lava tshamaka eka yona.

Nkutsulo I Nyiko Ya Nkoka Leyi Humaka Eka Xikwembu

I yini nkutsulo? Xana wu nga ku vuyerisa hi ndlela yihi?