Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Xihondzo Xo Rindza  |  April 2015

 NHLOKOMHAKA YA XIFUNENGETO | HA YINI U FANELE U DYONDZA BIBELE?

Lunghiselelo Ra Dyondzo Ya Bibele Ra Vanhu Hinkwavo

Lunghiselelo Ra Dyondzo Ya Bibele Ra Vanhu Hinkwavo

Timbhoni ta Yehovha ti tiviwa ngopfu hi ntirho wa tona wo chumayela erivaleni. Kambe, xana a wu swi tiva leswaku hi tlhela hi va ni lunghiselelo ra dyondzo ya Bibele emisaveni hinkwayo?

Hi 2014, Timbhoni ta Yehovha to tlula 8 000 000 ematikweni ya 240, ti khome tidyondzo ta Bibele ta kwalomu ka 9 500 000 n’hweti ni n’hweti. * Vanhu lava dyondzaka Bibele na hina, va tlula nhlayo ya vaakatiko va matiko ya 140.

Leswaku Timbhoni ta Yehovha ti yisa emahlweni ntirho lowu wo dyondzisa, ti kandziyisa Tibibele, tibuku, timagazini ni swin’wana swo pfuneta ku dyondzisa Bibele swa kwalomu ka biliyoni ni hafu hi tindzimi ta kwalomu ka 700. Matshalatshala lawa lamakulu ma endla leswaku vanhu va kota ku dyondza Bibele hi tindzimi ta vona.

 TINHLAMULO TA SWIVUTISO LESWI TALAKA KU VUTISIWA HI LUNGHISELELO RA HINA RA DYONDZO YA BIBELE

Dyondzo leyi yi fambisiwa njhani?

Hi bula hi tinhlokomhaka to hambanahambana ta le Bibeleni kutani hi kambisisa tindzimana ta Bibele leti fambisanaka ni timhaka toleto. Hi xikombiso, Bibele yi hlamula swivutiso swo tanihi leswi: Xikwembu i mani? Xi njhani? Xana xi ni vito? Xi tshama kwihi? Xana hi nga tshinela eka xona? Kambe xa nkoka i ku tiva leswaku u ta tikuma kwihi tinhlamulo eBibeleni.

Leswaku hi pfuna vanhu va kuma tinhlamulo, hi tirhisa buku ya matluka ya 224 leyi nge, Xana Bibele Yi Dyondzisa Yini Hakunene? * Buku leyi yi endliwe hi xikongomelo xo pfuna vanhu leswaku va twisisa tidyondzo ta xisekelo ta Bibele. Tidyondzo toleto ti katsa ni leti vulavulaka hi Xikwembu, Yesu Kreste, ku xaniseka ka vanhu, ku pfuxiwa ka vafi, xikhongelo ni tin’wana to tala.

 Xana dyondzo yi nga khomiwa rini naswona kwihi?

Dyondzo yi nga khomiwa endhawini leyi u yi tsakela ni hi nkarhi lowu u wu tsakelaka.

Hi siku ku dyondziwa nkarhi wo tanihi kwihi?

Vanhu vo tala vhiki ni vhiki va tivekela nkarhi wo ringana awara kumbe ku tlula leswaku va dyondza Bibele. Kambe ku leha ka dyondzo ku ya hi xiyimo xa munhu naswona hi fambisana na xona. Van’wana va dyondza nkarhi wo ringana 10 kumbe 15 wa timinete hi vhiki.

Dyondzo leyi i mali muni?

Dyondzo leyi ni minkandziyiso yo dyondza ha yona i mahala. Sweswo swi fambisana ni nkongomiso lowu Yesu a wu nyikeke valandzeri vakwe lowu nge: “Mi amukele mahala, nyikani mahala.”—Matewu 10:8.

Dyondzo hinkwayo yi heta nkarhi wo tanihi kwihi?

U nga ya emahlweni u dyondza ntsena loko wa ha swi tsakela. Buku leyi nge, Xana Bibele Yi Dyondzisa Yini Hakunene? yi ni tidyondzo ta 19. U nga heta tindzima hinkwato hi nkarhi wa wena.

Xana ndzi fanele ndzi va Mbhoni ya Yehovha?

E-e. Hi ku titsongahata ha swi xiya leswaku munhu ha un’we u ni lunghelo ro hlawula leswi a lavaka ku pfumela eka swona. Vanhu lava se va nga ni vutivi bya xisekelo bya Bibele, hi vona va tihlawulelaka hi ku ya hi vutivi lebyi va byi kumeke.

 Ndzi nga ri kuma kwihi rungula leri engetelekeke?

Web site ya jw.org/ts yi ni rungula ra ntiyiso hi leswi Timbhoni ta Yehovha ti swi pfumelaka ni mintirho ya tona.

Ndzi nga yi kombela njhani dyondzo ya Bibele?

  • Rhumela xikombelo eka Web site ya hina ya www.jw.org/ts.

  •  
  • Tihlanganise ni Timbhoni ta Yehovha ta le kusuhi na wena. U nga pfula laha ku tsariweke leswaku “Timbhoni ta Yehovha” eka tinomboro leti longoloxiweke ta tinqingho ta le ndhawini leyi u tshamaka eka yona.

^ ndzim. 4 Tidyondzo ta Bibele ti khomiwa ni munhu ha un’we kumbe mintlawa leyitsongo.

^ ndzim. 9 Yi kandziyisiwe hi Timbhoni ta Yehovha. Ku kandziyisiwe tikopi leti tlulaka 230 wa timiliyoni ta buku leyi, hi tindzimi to tlula 260.

DYONDZA SWO TALA

NTIRHO WO KANDZIYISA

Ntirho Wo Kandziyisa eMisaveni Hinkwayo Wu Pfuna Vanhu Va Dyondza Hi Xikwembu

Timbhoni ta Yehovha ti ni tindhawu to kandziyisela eka tona ta 15 emisaveni hinkwayo, laha ku kandziyisiwaka minkandziyiso leyi sekeriweke eBibeleni hi tindzimi ta kwalomu ka 700.

SWIVUTISO LESWI HLAMURIWAKA HI BIBELE

Xana Bibele Yi Nga Ndzi Pfuna Ku Va Ni Ndyangu Lowu Tsakeke?

Xitsundzuxo xa vutlhari lexi kumekaka eBibeleni xi pfune timiliyoni ta vavanuna ni vavasati leswaku va va ni kaya leri tsakeke.