Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XIHONDZO XO RINDZA MARCH 2015

Tinhlamulo Ta Swivutiso Swa Bibele

Tinhlamulo Ta Swivutiso Swa Bibele

Ha yini hi fanele hi tsundzuka rifu ra Yesu?

Xana rifu ra Yesu ri endla leswaku hi kota ku va ni vumundzuku bya njhani?—Esaya 25:8; 33:24

Rifu ra Yesu i xiendlakalo xa nkoka ematin’wini ku tlula hinkwaswo—u file leswaku vanhu va kuma vutomi. Munhu a nga tumbuluxiwanga a ri ni mboyamelo wo endla swilo swo biha, a vabya kumbe a fa. (Genesa 1:31) Kambe xidyoho xi nghene emisaveni hikwalaho ka munhu wo sungula ku nga Adamu. Yesu u nyikele hi vutomi byakwe leswaku a hi ponisa eka xidyoho ni rifu.—Hlaya Matewu 20:28; Varhoma 6:23.

Xikwembu xi kombise rirhandzu lerikulu hi ku rhumela N’wana wa xona emisaveni leswaku a ta hi fela. (1 Yohane 4:9, 10) Yesu u byele valandzeri vakwe leswaku va tsundzuka rifu rakwe hi ku va va endla nkhuvo wo olova wa xinkwa ni vhinyo. Loko hi endla tano lembe ni lembe, hi va hi khensa rirhandzu leri Xikwembu na Yesu va hi kombeke rona.—Hlaya Luka 22:19, 20.

I vamani lava faneleke va dya xinkwa ni ku nwa vhinyo?

Loko Yesu a byela vadyondzisiwa vakwe ro sungula leswaku va tsundzuka rifu rakwe, u vulavule hi ntwanano kumbe mpfumelelano. (Matewu 26:26-28) Sweswo swi endle leswaku vadyondzisiwa vakwe ni vanhu va nhlayo yo karhi va va tihosi ni vaprista na yena etilweni. Hambileswi vanhu va ntsandza vahlayi va tlangelaka siku ra ku fa ka Yesu, ko va lava nga eka ntwanano wolowo ntsena lava dyaka xinkwa ni ku nwa vhinyo.—Hlaya Nhlavutelo 5:10.

Se ku hundze malembe ya kwalomu ka 2 000 Yehovha a ri karhi a hlawula lava nga ta va tihosi. (Luka 12:32) Vanhu volavo i vatsongo loko va ringanisiwa ni lava nga ta hanya hilaha ku nga heriki laha emisaveni.—Hlaya Nhlavutelo 7:4, 9, 17.

 

DYONDZA SWO TALA

Xitsundzuxo Xa Rifu Ra Yesu

Lembe ni lembe vanhu va timiliyoni va hlangana leswaku va ta tsundzuka siku ra ku fa ka Yesu. Na wena wa rhambiwa ku va u ta twa leswaku xiendlakalo lexi xa nkoka xi ku khumba njhani.

Nkutsulo I Nyiko Ya Nkoka Leyi Humaka Eka Xikwembu

I yini nkutsulo? Xana wu nga ku vuyerisa hi ndlela yihi?

Xana Yesu U Fele eXihambanweni?

Vanhu vo tala va teka xihambano tanihi mfungho wa Vukreste. Xana hi fanele hi xi tirhisa evugandzerini?