Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XIHONDZO XO RINDZA DECEMBER 2014

 NHLOKO-MHAKA YA XIFUNENGETO | U NGA VA MUNGHANA WA XIKWEMBU

Xana Wa Vulavurisana Ni Xikwembu?

Xana Wa Vulavurisana Ni Xikwembu?

Vanghana lavakulu va vulavurisana minkarhi yo tala, ku nga va hi foni, email, vhidiyo kumbe hi papila. Hikwalaho, leswaku hi va ekusuhi ni Xikwembu, hi fanele hi vulavurisana na xona minkarhi hinkwayo. Hi nga swi endlisa ku yini sweswo?

Hi nga vulavula na Yehovha hi xikhongelo. Ku khongela eka Xikwembu a ko va ntsena ku vulavula ni munhu wo karhi loyi hi ringanaka na yena. Hi fanele hi tsundzuka leswaku loko hi khongela, hi va hi vulavula ni Muvumbi wa hina La nge Henhla-henhla emisaveni hinkwayo. Sweswo swi fanele swi hi susumetela ku va hi khongela hi xichavo lexikulu. Hi fanele hi landzela tindlela to karhi leswaku swikhongelo swa hina swi twiwa hi Xikwembu. Hi leti tindlela ta kona tinharhu.

Yo sungula, swikhongelo swi fanele swi yisiwa eka Yehovha Xikwembu ntsena—ku nga ri eka Yesu, eka mukwetsimi wo karhi kumbe xifaniso xo karhi. (Eksoda 20:4, 5) Bibele yi ri: “Eka hinkwaswo tivisani Xikwembu swikombelo swa n’wina hi xikhongelo ni xikombelo swin’we ni ku nkhensa swikombelo swa n’wina.” (Vafilipiya 4:6) Ya vumbirhi, swikhongelo swi fanele swi yisiwa eka Xikwembu hi vito ra N’wana wa xona ku nga Yesu Kreste. Yesu u te: “A nga kona loyi a taka eka Tatana handle ko ta ha mina.” (Yohane 14:6) Ya vunharhu, swikhongelo swa hina swi fanele swi fambisana ni ku rhandza ka Xikwembu. Bibele yi ri: “Ku nga khathariseki leswaku i yini lexi hi xi kombelaka hi ku ya hi ku rhandza ka xona, xa hi twa.” *1 Yohane 5:14.

Vanghana va tsakela ku tshama va ri karhi va vulavurisana

Vunghana a byi tiyi loko ku vulavula munhu un’we. Ku fana ni vanghana lava vulavurisanaka, hi fanele hi pfumelela Xikwembu xi vulavula na hina hi tlhela hi xi yingisa. Xana wa swi tiva leswaku Xikwembu xi vulavula njhani na hina?

Namuntlha Yehovha Xikwembu u vulavula na hina hi ku tirhisa Rito rakwe ku nga Bibele. (2 Timotiya 3:16, 17) Ha yini hi vula tano? Hi xikombiso: A hi nge u kume papila leri humaka eka munghana wa wena. Endzhaku ko ri hlaya u nga ha byela van’wana ha rona u ku, “munghana wa mina u ndzi tsalele papila.” A ndzi titwa onge u vulavula na mina hi ku kongoma. Hilaha ku fanaka, loko u hlaya Bibele, u va u pfumelela Yehovha leswaku a vulavula na wena. Gina loyi ku vulavuriweke ha yena eku sunguleni, u ri: “Ndzi anakanya leswaku loko ndzi lava ku va munghana wa Xikwembu, ndzi fanele ndzi hlaya papila ra xona ku nga Bibele.” U tlhela a ku: “Ku dyondza Bibele siku ni siku swi ndzi endla ndzi tshinela eka Xikwembu.” Xana wa n’wi pfumelela Yehovha leswaku a vulavula na wena siku ni siku hi ku va u hlaya Rito ra yena ku nga Bibele? Loko u endla tano u ta titwa u ri ekusuhi ni Xikwembu.

^ ndzim. 5 Leswaku u kuma rungula leri engetelekeke malunghana ni ndlela yo tshinela eka Xikwembu hi xikhongelo, hlaya ndzima 17 ya buku leyi nge Xana Bibele Yi Dyondzisa Yini Hakunene? leyi kandziyisiweke hi Timbhoni ta Yehovha.

DYONDZA SWO TALA

Xana Xikwembu Xi Ta Ndzi Pfuna Loko Ndzi Khongela?

Xana Xikwembu xa khathala hi swiphiqo swa hina?