Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

XIHONDZO XO RINDZA DECEMBER 2014

Tinhlamulo Ta Swivutiso Swa Bibele

Tinhlamulo Ta Swivutiso Swa Bibele

Vana va nga dyondzisiwa njhani ku rhandza Xikwembu?

Dyondzisa vana va wena hi ntumbuluko leswaku va ta tiva Xikwembu ni ku xi rhandza

Vana va wena va nga dyondza ku rhandza Xikwembu ntsena loko va ri ni vumbhoni bya leswaku xi kona nileswaku xa va rhandza. Leswaku va rhandza Xikwembu, va fanele va xi tiva. (1 Yohane 4:8) Hi xikombiso, va fanele va tiva tinhlamulo ta swivutiso leswi: A ku ri xihi xikongomelo xa Xikwembu loko xi vumba vanhu? Ha yini Xikwembu xi pfumelela ku xaniseka? Xikwembu xi ta va endlela yini vanhu enkarhini lowu taka?—Hlaya Vafilipiya 1:9.

Leswaku u pfuna vana va wena leswaku va rhandza Xikwembu, u fanele u va kombisa leswaku wena wa xi rhandza. Loko va vona sweswo, va ta tekelela xikombiso xa wena.—Hlaya Deteronoma 6:5-7; Swivuriso 22:6.

U nga ti fikelela njhani timbilu ta vana va wena?

Rito ra Xikwembu ri ni matimba. (Vaheveru 4:12) Hikokwalaho, pfuna vana va wena leswaku va dyondza tidyondzo ta rona ta xisekelo. Leswaku Yesu a fikelela timbilu ta vanhu, u va vutise swivutiso, a va yingisela ni ku va hlamusela Matsalwa. Leswaku na wena u fikelela timbilu ta vana va wena, u fanele u tekelela tindlela ta Yesu to dyondzisa.—Hlaya Luka 24:15-19, 27, 32.

Ku engetela kwalaho, rungula ra le Bibeleni leri hlamuselaka ndlela leyi Xikwembu xi khomeke vanhu ha yona ri nga pfuna vana va wena leswaku va xi tiva ni ku xi rhandza. Minkandziyiso leyi endleriweke ku va pfuna ya kumeka eka www.jw.org/ts.—Hlaya 2 Timotiya 3:16.

 

DYONDZA SWO TALA

Xana Bibele Yi Dyondzisa Yini Hakunene?

Ndlela Yo Va Ni Ndyangu Lowu Tsakeke

Rirhandzu leri Yesu a ri kombiseke i xikombiso lexi vavanuna, vavasati, vatswari ni vana va nga xi tekelelaka. I yini leswi hi nga swi dyondzaka eka yena?

VANA

Vana Munghana Wa Yehovha

Tivhidiyo leti ta tipopayi, tinsimu ni switoloveto leswi printiwaka swi pfuna vana leswaku va dyondza tidyondzo ta nkoka malunghana ni ndlela yo tsakisa Xikwembu.