Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XIHONDZO XO RINDZA NOVEMBER 2014

 NHLOKO-MHAKA YA XIFUNENGETO | XANA SATHANA U KONA?

Xana Sathana U Kona?

Xana Sathana U Kona?

Xifaniso lexi kovotliweke xa le Madrid, eSpaniya, lexi kombisaka Sathana tanihi ntsumi yo homboloka leyi xikeke hi le tilweni

“Ndzi kulele aEl Salvador. Loko ndzi nga n’wi yingisi manana a a tala ku vula leswaku, ‘Sathana u le ku teni a ta ku teka.’ A ndzi n’wi hlamula ndzi ku, ‘N’wi tshike a ta,’ mina ndzi tshembela eka Xikwembu, ku nga ri eka Sathana.”—ROGELIO.

Xana u pfumelelana na xona xifanyetana lexi vuriwaka Rogelio? Hi rihi vonelo leri u vonaka ri twala eka lama landzelaka?

  • Sathana a nga kona; ko va vuhomboloki byo karhi.

  • Sathana u kona, kambe a nga na mhaka ni vanhu.

  • Sathana i xivumbiwa xa moya lexi nga ni matimba lexi nga ni nkucetelo lowukulu eka vanhu.

Ku ni vanhu lava seketelaka mavonelo lawa. Kambe, xana swi ni mhaka leswaku hi rihi vonelo leri nga ra ntiyiso? Loko ku ri leswaku Sathana a nga kona, swi vula leswaku vanhu lava kholwaka leswaku u kona va kanganyisiwile. Loko ku ri leswaku Sathana u kona kambe a nga na mhaka ni vanhu, swi vula leswaku vanhu vo tala vo chava ntsena swi nga fanelanga. Kambe, loko ku ri leswaku Sathana i mukanganyisi loyi a nga ni vutshila, swi vula leswaku u ni khombo swinene ku tlula ndlela leyi vanhu vo tala va anakanyaka ha yona.

A hi kambisiseni ndlela leyi Matsalwa yo Kwetsima ma swi hlamulaka ha yona swivutiso leswi landzelaka: Sathana i mani—i vuhomboloki byo karhi kumbe i munhu wa moya? Loko ku ri leswaku i munhu wa moya, xana swi vula leswaku Sathana u ni khombo eka wena? Loko swi ri tano, u nga tisirhelela njhani?