Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XIHONDZO XO RINDZA NOVEMBER 2014

Tinhlamulo Ta Swivutiso Swa Bibele

Tinhlamulo Ta Swivutiso Swa Bibele

Xana hakunene Yesu u va pfuxile vanhu lava feke?

Yesu u pfuxe Lazaro, loyi se a a ri ni masiku ya mune a file

Bibele yi vula leswaku Yesu u pfuxe vanhu lava feke. Timhaka teto a ko va ntsheketo; ti endlekile etindhawini to karhi hi minkarhi yo karhi. Hi xikombiso, hi ximumu xa lembe ra 31 C.E., ntshungu lowukulu wu fambe na Yesu wu suka eKapernawume wu ya eNayini. Loko wu fika kwalaho, wu hlangane ni ntshungu wun’wana. U nga tshemba rungula ra ku pfuxiwa ka vafi hikwalaho ka leswi endlekeke kwalaho hikuva ri tsariwe eRitweni ra Xikwembu, ku nga Bibele naswona ku ni timbhoni to tala leti voneke xiendlakalo xexo.—Hlaya Luka 7:11-15.

Yesu u tlhele a pfuxa munghana wakwe Lazaro, loyi se a ri ni masiku ya mune a file. U nga tshemba xiviko xa leswi Yesu a swi endleke hi siku rero hikuva na xona xiendlakalo xexo xi voniwe hi vanhu vo tala.—Hlaya Yohane 11:39-45.

Ha yini Yesu a pfuxe vanhu lava feke?

Yesu u pfuxe vanhu lava feke hikwalaho ka leswi a a ri ni ntwela-vusiwana. Nakambe u endle tano hi xikongomelo xo kombisa leswaku Tata wakwe, ku nga Muvumbi wa swilo hinkwaswo leswi hanyaka, u n’wi nyike matimba yo hlula rifu.—Hlaya Yohane 5:21, 28, 29.

Swiendlakalo swa ku pfuxiwa ka vafi leswi Yesu a swi endleke, swi hi endla hi swi tshemba hi ku helela switshembiso swakwe malunghana ni nkarhi lowu taka. U ta pfuxa vanhu vo tala, ku katsa ni vanhu lava nga lulamangiki lava nga tiviki nchumu hi Xikwembu xa ntiyiso. Va ta nyikiwa nkarhi wo tiva ni ku rhandza Yehovha Xikwembu.—Hlaya Mintirho 24:15.

 

DYONDZA SWO TALA

I Yini Ku Pfuxiwa Ka Vafi?

Swi nga ha ku hlamarisa ku twa leswaku i vamani lava nga ta pfuxiwa enkarhini lowu taka.

Ntshembo Wa Xiviri Hi Varhandziwa Va Wena Lava Feke

Xana u tshame u feriwa hi munhu loyi u n’wi rhandzaka? Xana swa koteka leswaku hi tlhela hi va vona? Dyondza leswi Bibele yi swi vulaka malunghana ni ku pfuxiwa ka vafi.