Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XIHONDZO XO RINDZA OCTOBER 2014

 NHLOKO-MHAKA YA XIFUNENGETO | MFUMO WA XIKWEMBU—I YINI LEXI NGA ENDLAKA WU VA WA NKOKA EKA WENA?

Ha Yini U Fanele U Lava Mfumo Wa Xikwembu?

Ha Yini U Fanele U Lava Mfumo Wa Xikwembu?

Vanhu va timiliyoni emisaveni hinkwayo va tshemba leswaku Mfumo wa Xikwembu i ntshembo lowu va nga na wona hi vumundzuku. Va landzela ntila lowu vekiweke hi Yesu, loyi a dyondziseke valandzeri vakwe ndlela yo khongela: “Mfumo wa wena a wu te. Ku rhandza ka wena a ku endleke emisaveni.”—Matewu 6:10.

Lexi hlamarisaka, hambileswi vanhu vo tala va lavaka Mfumo wa Xikwembu, vukhongeri byo tala a byi na mhaka na wona. Malunghana ni mhaka leyi, n’wamatimu H. G. Wells u xiye ndlela yo hlamarisa ya leswaku Yesu “a a yi teka yi ri ya nkoka swinene dyondzo leyi a a yi vitana Mfumo wa Tilo” naswona Wells u vule leswaku dyondzo yakwe “a yi nga ri ya nkoka eka tikereke to tala ta Vukreste.”

Ku hambana ni tikereke teto, Timbhoni ta Yehovha ti wu kandziyisa swinene Mfumo wa Xikwembu. Xiya: Nkandziyiso wa hina, lowu u nga eku wu hlayeni sweswi, wu hundzuluxeriwa hi tindzimi ta 220. Ku kandziyisiwa tikopi ta kwalomu ka 46 wa timiliyoni, leswi endlaka leswaku ku va wona magazini lowu fambisiwaka swinene emisaveni. Kutani hi rihi rungula ra nkoka ra nkandziyiso lowu? Xiya nhloko-mhaka ya wona leyi heleleke: Xihondzo Xo Rindza Xi Huwelela Mfumo Wa Yehovha.  *

Ha yini Timbhoni ta Yehovha ti ti karhatela ku huwelela, kumbe ku twarisa Mfumo wa Xikwembu? Hi tshemba leswaku Mfumo wa Xikwembu i nhloko-mhaka ya buku ya nkoka swinene emisaveni, ku nga Bibele. Ku engetela kwalaho, ha tiyiseka leswaku Mfumo wa Xikwembu hi wona ntsena lowu nga tlhantlhaka swiphiqo leswi vanhu va langutanaka na swona namuntlha.

Leswaku ti endla vanhu va wu tekela enhlokweni Mfumo wa Xikwembu, Timbhoni ta Yehovha ti tikarhatela ku landzela xikombiso xa Yesu. Loko a ha ri laha misaveni, Mfumo wa Xikwembu a ku ri nchumu wa risima eka Yesu naswona a ku ri wona nhloko-mhaka ya nkoka swinene evutirhelini byakwe. (Luka 4:43) Ha yini Mfumo a wu ri wa nkoka swinene eka Yesu? Nakambe ha yini wu fanele wu va wa nkoka eka wena? Hi kombela leswaku u kambisisa tinhlamulo ta Bibele, hilaha ti nga ta tlhuvutsiwa hakona eka swihloko leswi nga ta landzela.

^ ndzim. 5 Yehovha i vito ra Xikwembu hilaha swi hlamuseriweke hakona eBibeleni.