Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XIHONDZO XO RINDZA APRIL 2014

 NHLOKO-MHAKA YA XIFUNENGETO | HA YINI U FANELE U KHONGELA?

Ha Yini Vanhu Va Khongela?

Ha Yini Vanhu Va Khongela?

Xana u khongela nkarhi na nkarhi? Vanhu vo tala va khongela, hambi ku ri lava nga pfumeriki leswaku Xikwembu xi kona. Kambe ha yini vanhu va khongela? Hi ku ya hi ndzavisiso wa le Furwa, hafu ya vaaki va le Furwa va khongela kumbe minkarhi yin’wana va anakanyisisa leswaku va titwa va antswa, ku nga ri ku dzunisa Xikwembu hilaha vanhu vo tala va le Yuropa va endlaka hakona. Ematshan’weni ya sweswo, va khongelela ku kuma vuyelo byo karhi. Hi hala tlhelo vanhu van’wana lava nghenaka kereke va khongela Xikwembu loko va lava mpfuno naswona va langutela ku hlamuriwa hi ku hatlisa.—Esaya 26:16.

Wena u swi vonisa ku yini? Xana u vona onge xikhongelo ko va ndlela ya ku ku pfuna leswaku u ehleketa kahle? Loko u khongela eka Xikwembu, xana wa hlamuriwa, kumbe u vona onge swikhongelo swa wena a swi hlamuriwi? Bibele yi nga ku pfuna leswaku u teka xikhongelo tanihi ndlela leyinene yo tshinela eka Xikwembu ku nga ri ya leswaku u titwa u antswa.