Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XIHONDZO XO RINDZA MARCH 2014

Tinhlamulo Ta Swivutiso Swa Bibele

Tinhlamulo Ta Swivutiso Swa Bibele

Xana rifu ra Yesu ri hi vuyerisa njhani?

Loko Xikwembu xi vumba vanhu, a xi lava leswaku va hanya hilaha ku nga heriki emisaveni handle ko vabya kumbe ku fa. Hambiswiritano, munhu wo sungula, ku nga Adamu, a nga n’wi yingisanga Muvumbi kutani u lahlekeriwe hi lunghelo ro hanya hilaha ku nga heriki. Tanihi vatukulu Adamu, ha fa hikwalaho ka yena. (Varhoma 5:8, 12; 6:23) Xikwembu xa ntiyiso, ku nga Yehovha, xi rhumele N’wana wa xona Yesu ku ta emisaveni leswaku a ta hi fela ni ku riha leswi Adamu a lahlekeriweke ha swona.—Hlaya Yohane 3:16.

Yesu u file leswaku vanhu va ta kota ku kuma vutomi lebyi nga heriki. Xana u ehleketa leswaku byi ta va byi ri njhani vutomi lebyi nga riki na makumu emisaveni?

Rifu ra Yesu ri endla swi koteka leswaku hi rivaleriwa swidyoho swa hina ni ku kuma vutomi lebyi nga heriki. Bibele yi endla hi anakanya hi ndlela leyi vutomi byi nga ta va ha yona emisaveni laha hi nga ta ka hi nga ha dyuhali, hi nga ha vabyi ni ku fa.—Hlaya Esaya 25:8; 33:24; Nhlavutelo 21:4, 5.

Hi fanele hi ri tsundzuka njhani rifu ra Yesu?

Hi vusiku bya le mahlweni ka rifu rakwe, Yesu u byele valandzeri vakwe leswaku va tsundzuka rifu rakwe hi ku endla nkhuvo wo olova. Ku tsundzuka rifu ra Yesu hi ndlela yoleyo lembe ni lembe, swi endla leswaku hi anakanyisisa hi ndlela leyi Yesu na Yehovha va rhandzaka vanhu ha yona.—Hlaya Luka 22:19, 20; 1 Yohane 4:9, 10.

Lembe leri, Xitsundzuxo xa rifu ra Yesu xi ta va hi Musumbhunuku, April 14, endzhaku ka ku pela ka dyambu. Wa rhambiwa leswaku u hlanganyela ni Timbhoni ta Yehovha ta laha u tshamaka kona.—Hlaya Varhoma 1:11, 12.

DYONDZA SWO TALA

Xitsundzuxo Xa Rifu Ra Yesu

Lembe ni lembe vanhu va timiliyoni va hlangana leswaku va ta tsundzuka siku ra ku fa ka Yesu. Na wena wa rhambiwa ku va u ta twa leswaku xiendlakalo lexi xa nkoka xi ku khumba njhani.

Yesu Kreste I Mani?

Dyondza xivangelo lexi endlaka Yesu a va Mesiya loyi a tshembisiweke, laha a humaka kona ni leswaku ha yini a ri N’wana wa Yehovha loyi a tswariweke a ri swakwe.

Nkutsulo I Nyiko Ya Nkoka Leyi Humaka Eka Xikwembu

I yini nkutsulo? Xana wu nga ku vuyerisa hi ndlela yihi?