Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XIHONDZO XO RINDZA DECEMBER 2013

Tinhlamulo Ta Swivutiso Swa Bibele

Tinhlamulo Ta Swivutiso Swa Bibele

Hi xihi xikongomelo xa ku vuya ka Kreste?

Emahlweni ko va Yesu Kreste a tlhandlukela etilweni hi 33 C.E., u tshembise leswaku u ta tlhela a vuya. U tifanise ni munhu wa le vukosini loyi a yeke endhawini ya le kule nkarhi wo leha kutani loko a vuya a nyikiwa matimba ya ku fuma tanihi hosi. Xikongomelo xa ku vuya ka Yesu i ku tisela vanhu mfumo lowunene.—Hlaya Luka 19:11, 12.

Yesu u ta tisela vanhu mfumo lowunene

Xana Kreste u ta vuya hi xivumbeko xa njhani? U pfuxiwe tanihi xivumbiwa xa moya lexi nga vonakiki. (1 Petro 3:18) Kutani u ye etilweni a fika a tshama evokweni ra xinene ra Xikwembu. (Pisalema 110:1) Endzhakunyana, Yesu u tshinetiwe emahlweni ka Yehovha Xikwembu, “Nkulukumba wa Masiku,” loyi a n’wi nyikeke matimba ya ku fuma vanhu. Kutani Yesu a nge vuyi tanihi munhu wa nyama, kambe tanihi Hosi leyi nga vonakiki.—Hlaya Daniyele 7:13, 14.

Xana Yesu u ta endla yini loko a fika?

Loko Yesu a fika ni tintsumi hi ndlela leyi nga vonakiki u ta avanyisa vanhu. U ta herisa vanhu vo homboloka kutani lava va n’wi amukelaka tanihi Hosi a va nyika vutomi lebyi nga heriki.—Hlaya Matewu 25:31-33, 46.

Loko Yesu a fuma tanihi Hosi u ta hundzula misava yi va paradeyisi. U ta pfuxa lava feke leswaku va ta tiphina hi vutomi eParadeyisini laha misaveni.—Hlaya Luka 23:42, 43.