Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XIHONDZO XO RINDZA OCTOBER 2013

 NHLOKO-MHAKA YA XIFUNENGETO | BIBELE YI TAMELE RUNGULA RIHI?

Mahungu Lamanene Eka Vanhu Hinkwavo

Mahungu Lamanene Eka Vanhu Hinkwavo

Ku pfuxiwa ka Yesu ku endle leswaku vadyondzisiwa vakwe va va ni ripfumelo va tlhela va hiseka. Muapostola Pawulo u fambe etikweni hinkwaro ra Asia Minor ni ra Mediteraniya a simeka mavandlha ni ku tiyisa Vakreste leswaku va kota ku lwisana ni mintshikilelo ya mahanyelo yo biha ni nkaneto wa tihanyi. Ku nga khathariseki swiphiqo swoleswo, vanhu vo tala va ve Vakreste.

Endzhakunyana Pawulo u khotsiwile. Kambe, ni loko a ri kwale u tsalele mavandlha ya Vukreste mapapila a ma khutaza ni ku ma nyika ndzayo. U tlhele a ma lemukisa hi nxungeto lowukulu—vugwinehi. Hi ku kongomisiwa hi moya lowo kwetsima wa Xikwembu, Pawulo u swi vone ka ha ri emahlweni leswaku “timhisi leti tshikilelaka” leti vulavulaka “swilo leswi soholotiweke” a ti ta nghena exikarhi ka wona kutani ti “tikokela vadyondzisiwa.”—Mintirho 20:29, 30.

Eku heleni ka lembe-xidzana ro sungula, vugwinehi lebyi byi sungurile. Hi nkarhi wolowo Yesu loyi a pfuxiweke u nyike muapostola Yohane Nhlavutelo, ku nga xivono xa swilo leswi nga ta endleka enkarhini lowu taka. Hilaha Yohane a tsaleke hakona, ku hava vakaneti kumbe vadyondzisi va mavunwa lava a va ta sivela ku hetiseka ka xikongomelo xo sungula xa Xikwembu hi misava ni vanhu. “Matiko hinkwawo ni tinyimba hinkwato ni tindzimi hinkwato ni vanhu hinkwavo,” va ta twa mahungu lamanene malunghana ni Mfumo wa Xikwembu. (Nhlavutelo 14:6.) Paradeyisi yi ta pfuxetiwa emisaveni naswona un’wana ni un’wana loyi a navelaka ku endla ku rhandza ka Xikwembu a nga va xiphemu xa yona!

Xana sweswo swi twala ku ri “mahungu lamanene” eka wena? Loko swi ri tano, dyondza leswi engetelekeke hi rungula ra Xikwembu leri xi ri nyikeke vanhu hilaha ri kumekaka hakona eBibeleni ni ndlela leyi ri nga ku vuyerisaka ha yona namuntlha ni le nkarhini lowu taka.

U nga tihlayela Bibele eka Internet eka www.jw.org/ts. Eka Web site yoleyo u nga tlhela u kambisisa broxara leyi nge Bibele Yi Tamele Rungula Rihi? ni leyi nge Good News From God! ni buku leyi nge Xana Bibele Yi Dyondzisa Yini Hakunene? swin’we ni minkandziyiso yin’wana leyi vulavulaka hi leswaku hi nga yi tshemba njhani Bibele ni ndlela leyi hi nga tirhisaka ndzayo ya yona endyangwini wa hina ni le vuton’wini bya hina ha yona. Kumbexana loko u lava rungula leri engetelekeke kombela un’wana wa Timbhoni ta Yehovha.

Byi sekeriwe eka Mintirho, Vaefesa, Vafilipiya, Vakolosa, Filemoni, 1 Yohane na Nhlavutelo.