Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Xihondzo Xo Rindza  |  July 2013

 NHLOKO-MHAKA YA XIFUNENGETO: XANA BYI KONA VUKHONGERI LEBYI U NGA BYI TSHEMBAKA?

Ha Yini U Fanele U Kambisisa Vukhongeri?

Ha Yini U Fanele U Kambisisa Vukhongeri?

A hi nge u fanele u endliwa vuhandzuri bya vuvabyi lebyi nga ni khombo swinene. U nga swi lava hi mbilu hinkwayo ku tshemba dokodela wa vuhandzuri hikuva vutomi bya wena byi ta va byi ri emavokweni yakwe. Xana ku ta va ku nga ri vutlhari ku kambisisa ntokoto wakwe?

Hilaha ku fanaka, swa laveka leswaku u kambisisa vukhongeri hi vukheta. Loko u ri eka vukhongeri byo karhi, vutomi bya wena byi va byi ri eka vukhongeri byebyo. Leswi swi katsa ni ntshembo wa wena wa ku ponisiwa.

Yesu u hi nyike nawu lowu nga hi pfunaka ku kambisisa vukhongeri. U te: “Murhi wun’wana ni wun’wana wu tiviwa hi mihandzu ya wona.” (Luka 6:44) Hi xikombiso, loko u languta eka vukhongeri kumbe ntlawa wo karhi, xana byi njhani? Xana vafundhisi va byona va rhandza ngopfu mali? Xana swirho swa byona swi landzela milawu ya Bibele malunghana ni nyimpi ni mahanyelo? Xo hetelela, xana u nga byi tshemba? Ha ku rhamba leswaku u kambisisa swihloko leswi landzelaka.

“Murhi wun’wana ni wun’wana wu tiviwa hi mihandzu ya wona.”—Luka 6:44