Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XIHONDZO XO RINDZA MAY 2013

Tinhlamulo Ta Swivutiso Swa Bibele

Tinhlamulo Ta Swivutiso Swa Bibele

Xana hi nga rivaleriwa swidyoho swa hina?

Ku tsakeriwa hi Xikwembu a swi tiki

Hi ku ya hi Bibele, vanhu hinkwavo i vadyohi. Hi vadyohi hikwalaho ka wanuna wo sungula, ku nga Adamu. Xisweswo, minkarhi yin’wana hi endla swilo swo biha naswona endzhakunyana hi nga tisola eka leswi hi swi endleke. N’wana wa Xikwembu, ku nga Yesu Kreste u hakele swidyoho swa hina hi ku hi fela. Nkutsulo wa xitlhavelo xakwe wu endle swi koteka leswaku vanhu va rivaleriwa. I nyiko leyi humaka eka Xikwembu.—Hlaya Varhoma 3:23, 24.

Vanhu van’wana va endle swidyoho leswikulu naswona va tivutisa loko Xikwembu xi ta va rivalela swona. Lexi tsakisaka, Rito ra Xikwembu ri ri: “Ngati ya Yesu N’wana wa xona ya hi basisa eswidyohweni hinkwaswo.” (1 Yohane 1:7) Yehovha u tiyimisele ku hi rivalela swidyoho swa hina hambi swi ri leswikulu loko hi tiyimisele ku hundzuka.—Hlaya Esaya 1:18.

Xana hi fanele hi endla yini leswaku hi ta rivaleriwa?

Loko hi lava leswaku Yehovha Xikwembu a hi rivalela, hi fanele hi dyondza ha yena—hi twisisa tindlela takwe, switsundzuxo swakwe ni leswi a swi languteleke eka hina. (Yohane 17:3) Hi musa Yehovha u rivalela lava hundzukaka eka mahanyelo ya vona yo biha kutani va ringeta ku cinca.—Hlaya Mintirho 3:19.

Ku tsakeriwa hi Xikwembu a swi tiki. Yehovha wa ku tiva ku tsana ka hina. U ni tintswalo ni musa. Xana musa wakwe wa rirhandzu a wu ku endli u lava ku dyondza leswi engetelekeke malunghana ni ndlela leyi u nga n’wi tsakisaka ha yona?—Hlaya Pisalema 103:13, 14.

 

DYONDZA SWO TALA

Nkutsulo I Nyiko Ya Nkoka Leyi Humaka Eka Xikwembu

I yini nkutsulo? Xana wu nga ku vuyerisa hi ndlela yihi?

Xikwembu I Mani?

Xana Xikwembu xi na vito naswona xa khathala ha hina?

Xana Wa Swi Endla Leswi Xikwembu Xi Swi Lavaka?

Ku yingisa Xikwembu i swa nkoka, kambe ku laveka leswi engetelekeke leswaku u va munghana wa xona.