Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XIHONDZO XO RINDZA DECEMBER 2012

Ku Lavisisa Moya Wa Khisimusi

Ku Lavisisa Moya Wa Khisimusi

“Swa olova leswaku vanhu va nyanyuka hi nkarhi wa Khisimusi. Nkarhi wa Khisimusi wu va nkarhi wa ku hetisisa swilo leswi munhu a swi endlaka hi ku va a boheka, nkarhi wa ku tshama ni maxaka ni vanghana wu nga kavanyeteka hi ku tshama munhu a khomekile. Nkarhi wun’wana, ntsako lowu hi vaka na wona wu kavanyetiwa hi ntshikilelo lowu hi langutanaka na wona.”—KHALE KA NDHUNA-NKULU BRAD HENRY WA LE OKLAHOMA [U.S.A.], DECEMBER 23, 2008.

LOKO nguva ya Khisimusi yi ri karhi yi tshinela, tinsimu, tifilimi ni minongonoko ya TV yi hlohlotela vanhu leswaku va va ni moya wa Khisimusi. Xana u ehleketa leswaku ku fanele ku va yini nchumu wa nkoka swinene hi nkarhi wa Khisimusi? Xana ku fanele ku va

  • Ku tsundzuka Yesu Kreste?
  • Ku katseka eka ntsako lowu tisiwaka hi ku nyika?
  • Ku pfuna lava pfumalaka?
  • Ku heta nkarhi ni ndyangu?
  • Ku kondletela ku rhula?

Hilaha Ndhuna-nkulu Henry, loyi a tshahiweke eku sunguleni, a swi vekeke hakona, vanhu vo tala lava tlangelaka Khisimusi va kuma swi va tikela ku fikelela yin’wana ya tipakani toleto hi nguva yoleyo. Hi nkarhi wa Khisimusi vanhu va tala ku va va khomekile, va tshikilelekile ni ku xavisa. Xana a swi koteki ku kuma ntsako ni rirhandzu leswi kumiwaka hi Khisimusi?

Bibele yi khutaza un’wana ni un’wana wa hina ku tsundzuka Yesu Kreste, ku hanana, ku pfuna lava pfumalaka ni ku heta nkarhi ni mindyangu ya hina. Yi tlhela yi hi dyondzisa ndlela leyi hi nga kondletelaka ku rhula ha yona. Hikokwalaho, ematshan’weni yo bula hileswaku ha yini van’wana va nga yi tlangeli Khisimusi, * swihloko leswi swa ntlhandlamano swi ta kambisisa swivutiso leswi landzelaka:

  • Xana van’wana va ehleketa leswaku hi xihi xivangelo xo tlangela Khisimusi?
  • Ha yini swi tika ku kuma ntsako ni rirhandzu leswi a swi fanele swi va kona hi Khisimusi?
  • Hi yihi milawu ya Bibele leyi pfuneke vanhu va timiliyoni leswaku va kuma nchumu wo antswa ku tlula Khisimusi?

^ ndzim. 10 Leswaku u kuma swivangelo swa Matsalwa leswi endlaka vanhu van’wana va endla xiboho xo ka va nga tlangeli Khisimusi, vona xihloko lexi nge “Swivutiso Swa Vahlayi—Ha Yini Vanhu Van’wana Va Nga Tlangeli Khisimusi?”